VOV4.Bahnar - Trong jang pơtăm pia kiơ̆ kmăi kmŏk hơgei tơ̆ apŭng Hà Quảng, dêh char Cao Bằng ưh khan lăp iŏk đei tơmam rơgoh ‘lơ̆ng ăn jơhngơ̆m jăn kon bơngai mă lei oei tơgŭm ăn kon pơlei lăng truh choh jang sa rơgoh păng hơnhăk đei iŏk yua kơjăp truh kơ hrĕng triu hlak jên lơ̆m mĭnh sơnăm.

VOV4.Bahnar - Teh đak bơ̆n đei lơ tơmam đơ̆ng choh jang xa tĕch tơ̆ teh đak đe tôch lơ lơ̆m apŭng plenh teh... mă lei truh dang ei, đei truh 80% tơmam đơ̆ng choh jang xa tĕch tơ̆ teh đak đe tam mă đei hơnăn, tam mă đei logo, kơmak kơdih păng tam mă hơdai tôm ‘lơ̆ng lơ̆m trong hơtŏk kơjă tơmam lơ̆m plei teh. ‘Nâu jĭ 1 lơ̆m dôm tơdrong jing đei, tơmam tĕch lơ mă lei oei ưh sơđơ̆ng nhen ‘nao đei tơroi ‘nŏh hei. Yoa thoi noh, hơtŏk tơdrong pơjing hơnăn tơmam đơ̆ng choh jang xa Việt ‘nŏh jĭ tơdrong tôch gĭt kăl jăh bơ̆ jang đơ̆ng dang ei hloi.

VOV4.Bahnar - Hăm trong pơkăp “Đảng viên pơchoh trong chong glung,kon pơlei iung jang kiơ̆ đơ̆ng rŏng”, khei năr ou ki, lơ đảng viên tơ̆ Dak Lăk hlôi tơplih jơhngơ̆m đon tơchĕng, tơplih trong jang sa ‘long pơtăm, kon tơrong, jang kiơ̆ khoa hŏk kih thuơ̆t lơ̆m choh jang sa hơnhăk đei iŏk yua kơjăp. Tơdrong pơm jŭk yŭk trong hơlau đơ̆ng đảng viên pơjing đei jơhngơ̆m pran kơtang lang să vă kon pơlei tơplih jơhngơ̆m đon tơchĕng, trong jang sa atŏk tơ iung mŭk drăm, tơgop lơ̆m tơ iung pơjing tơring tơrang roi năr roi atŏk tơ iung.

VOV4.Bahnar - Lăp đơ̆ng rŏng pơlei tơmang pơhiơ̆ cham char kon pơlei Trà Nhiêu tơ̆ apŭng Duy Xuyên, dêh char Quảng Nam đei pơjing, kon pơlei hơnơ̆ng lang să trong jang tơmang pơhiơ̆ au hơnhăk jang sa đei iŏk yua kơjăp.  Quảng Nam tŏk bŏk đei lơ trong jang tơgŭm djru kon pơlei jang tơmang pơhiơ̆ pơlei pơla.

VOV4.Bahnar - Lơ̆m kial tơhlu phơi rơngơp đơ̆ng hơvĕn chŭn na ƀlĭk ƀlăk, kon pơlei tơring Ia Mơ, apŭng Chư Prông, dêh char Gia Lai tŏk bŏk chơt hiôk hăm pơyan đei iŏk yua kơjăp. Đơ̆ng rŏng lơ sơnăm lăp gôchang gơnang hăm đak ‘mi, kon pơlei hlôi chă rei pơtăm ƀa 2 pơyan, đei ‘măng 3 pơyan lơ̆m mĭnh sơnăm, hơnhăk ba ăn đei tơdrong hơrih sa phĭ tơtŏ dơnŏ ‘lơ̆ng dơ̆ng kơjăp.

VOV4.Bahnar - Hăm iŏk yua mŭk drăm ‘lơ̆ng păng pơtho tơƀôh, tơgŭm tơtom đơ̆ng tơring, hơgăt teh ‘long sa plei kơ dêh char Kon Tum đei pơih să tơtĕnh.

VOV4.Bahnar - Dôm ‘măng ‘mi jruh blŭng kăp gĭt hlŏh kơ măih, tơgŭm ăn kon pơlei pơtăm cheh phe tơ̆ Gia Lai phơi jơhngâm klăih đơ̆ng tơdrong pơmat tat yoa đơ̆ng tŏ phang pơđang lơ khei âu ki. Mă lei, dang ei, lơ pơgar chĕh phe oei vă kơtĕn plei tơtă đei yă de phă dơ̆ng. Tŏ ‘mi kial ưh sơđơ̆ng pơm ăn pơrang jĭ tơ̆ ‘long chĕh phe chek lar roi dêh hlŏh dơ̆ng.  

VOV4.Bahnar - Khei năr au ki, tơring Tây Nguyên hlôi iung jang ‘lơ̆ng rim tơdrong đei, tơgop lơ̆m iŏk jơnei atŭm kơ tơdrong tĕch răt hăm teh đak đe kơ teh đak. Tây Nguyên hlôi jing tơring pơjing đei tơmam drăm choh jang sa tơm lơ hloh, mă kăl rim ‘long pơtăm pơm tơlĕch tơmam drăm kăl, ‘long sa plei. Mălei, oei đei lơ tơdrong găn ga vă tơmam drăm choh jang sa tĕch mơdro tơ̆ teh đak đe kơ tơring Tây Nguyên ƀôh kang bang kơ̆l lơ̆m hơnih mơdro sa teh đak đe.

VOV4.Bahnar - Apŭng sơlam teh đak Sa Thầy, dêh char Kon Tum đei măt bơngai truh 54.000 ‘nu bơngai, lơ̆m au bơngai kon kông tơmơ̆t 57%. Sơnăm 2021, Hơnih Đảng apŭng Sa Thầy pơjing Tơdrong vă jang 07 găh hơmet ming mir pơgar, tơgŭm djru, pơtho ăn kon pơlei pơtăm ‘long pơtăm atŏk tơ iung mŭk drăm ŭnh hnam. Hăm vang iung jang kơtang đơ̆ng khul kơdră chĕp pơgơ̆r đảng, kơdră chĕp pơgơ̆r vei lăng tơring păng tơdrong pơm jŭk yŭk trong hơlau đơ̆ng đảng viên kơ rim pơlei pơla, tơdrong hơmet mingrr tơ̆ tơring sơlam teh đak Sa Thây iŏk đei jơnei kơtang, hơgăt teh ‘long sa plei lang să tĕnh koăng.

VOV4.Bahnar - Dôm năr ‘nâu, kon pơlei jang chŭn Đắk Lắk oei hăt yoă ƀa phang. Kon pơlei tôch hơiă yoa 1 pơyan jang xa đei, yă tĕch măk. Hăm hlŏh 46.500 ha ƀa, tơchĕng adrol pơyan ƀa phang ‘nâu dêh char Đắk Lắk kăt yoă đei hlŏh 240.400 tân ƀa, tŏk 7.000 tân pơting hăm sơnăm sơ̆.