Gia Lai hơtŏk tang găn păng tơjră jĭ klak chroh nhŭng châu Phi
Thứ sáu, 10:33, 01/08/2025
Lan chih tơblơ̆
Lan chih tơblơ̆
VOV.Bahnar – Hăm tơdrong hơbuh hli đơ̆ng jĭ klak chroh nhŭng Châu Phi, dêh char Gia Lai tŏk bŏk oei hơdrin chă hơlen, đơ̆ng rŏng kon tơrong, truh tơ̆ ƀuh 'nhĕm păng chơ tơlĕch, tĕch răt vă tang găn jĭ klak chroh nhŭng châu Phi tơpoh lang să.
Kiơ̆ kơ yă Nguyễn Thị Ngân Hà, Anih hơlen tơchơ̆t hơlen păng Hơmet pơrang jĭ hăm kon tơrong, lơ̆m Anih tơm jang gah Kon tơrong păng Hơmet jĭ kon tơrong dêh char Gia Lai, tơdrong jĭ klak chroh nhŭng châu Phi tŏk bŏk oei hơbuh hli. Lơ̆m 1 khei kơ ou, Gia Lai ƀôh đei 5 anih ƀơm jĭ, đei hloh 300 tŏ nhŭng ƀơm jĭ athei soh lê̆. Kơyuơ noh, tơdrong hơlen ƀuh 'nhĕm, athei vei sơđơ̆ng 'lơ̆ng, păng hơlen kơjăp.
Anih jang Kơpal kơ dêh char Gia Lai hlôi păng tŏk bŏk pơgơ̆r dôm tơring chă hơlen lăng tôm anih ket ƀuh, adoi nhen dôm anih tĕch răt 'nhĕm nhŭng, iĕr bip lơ̆m tơring. Chă tơroi tơbăt tơlĕch dôm trong jang tang găn pơrang jĭ tơpoh truh kon bơngai, mă kăl noh hăm unh hnam đei rong nhŭng.
Viết bình luận