‘Măng pơlong hlôi sơng đei tơdrong vang pơlong 41 khŭl truh đơ̆ng dôm dêh char, pơlei tơm: Sơn La, Quảng Trị, Đắk Lắk, Lâm Đồng, Hà Nội păng pơlei tơm Hồ Chí Minh. Kiơ̆ dôm ‘măng rơih iŏk, 8 khŭl pơlong hơgei hloh hlôi mơ̆t lơ̆m ‘măng pơlong pơtôch, tơroi dôm trong jang akŏm lơ̆m choh pơtăm rơgoh, tơ jur tơlĕch hơyuh ‘mê̆ ‘mach, mŭk drăm ‘lơ̆ng, tơplih kơsô̆ păng jang hơdai kơjă kăp gĭt cheh phe.

Dôm khŭl pơlong hlôi tơƀôh jơhngơ̆m đon tơplih ‘nao pơcheh hơgei pran, tơklep kơjăp hăm ‘meh vă tơplih tŏ ‘mi kial, vei lăng cham char păng hơtŏk ‘lơ̆ng kơjă tơmam cheh phe. Lơ trong jang đei tơpă yan âu lơ, kĕ pơih să ‘lơ̆ng tơ̆ hơnăp kơnh. ‘Măng pơlong đei hơmĕng gô hơnơ̆ng păr ang jơhngơ̆m đon tơplih ‘nao pơcheh hơgei, tơgop pơtrŭt tơdrong jang tơplih rơgoh păng hơtŏk tơiung kơjăp anih jang cheh phe  Việt Nam lơ̆m khei ‘năr tơplih tŏ ‘mi kial roi tŏk.