Pơyan phĕ cheh phe 2025–2026 tơ̆ Đắk Lắk tŏk bŏk đei ƀôh lơ̆m khei ‘năr tŏ ‘mi kial ưh kơ ‘lơ̆ng nhen ‘mi pơdui đunh păng đak lơ̆p. Vă vei sơđơ̆ng ‘lơ̆ng, kơjă đơ̆ng tơmam gĭt kăl hloh kơ tơring, Anih vei lăng kon pơlei dêh char Đắk Lắk hlôi tơlĕch ăn Hla ar athei găh tơdrong pơm tơlĕch, phĕ iŏk păng tĕch cheh phe pơyan jang 2025–2026, vă vei sơđơ̆ng iŏk yua mŭk drăm, ‘lơ̆ng tơmam păng hơtŏk tơiung tơdrong jang cheh phe kiơ̆ trong kơjăp. Anih vei lăng kon pơlei dêh char Đắk Lắk tơƀôh hơdăh athei phĕ cheh phe đum, vei sơđơ̆ng ‘lơ̆ng, ưh kơ gơh yua đơ̆ng tŏ ‘mi kial kơ nê̆ mă phĕ kơ sĕ.

Rim tơring đei athei hơtŏk loi dơ̆ng roi tơbăt, krao hơvơn kon pơlei ‘nĕ kơ phĕ cheh phe kơ sĕ; vei lăng kơjăp tơdrong răt iŏk cheh phe, tang găn răt cheh phe kơ sĕ ‘lơ̆p, ưh kơ băt hơdăh đơ̆ng yơ. Anih vei lăng kon pơlei dêh char Đắk Lắk kŭm athei khŭl lĭnh kŏng an hơtŏk loi dơ̆ng vei sơđơ̆ng lơ̆m pơyan phĕ, kơchăng tang găn, iung jang hăm dôm tơdrong pơm glăi tơtông klĕ, đei bơngai vei lăng tơgŭm iŏk jên đe, tơ roi kư̆ kă kơjă tĕch.