Đơ̆ng blŭng sơnăm truh dang ei, Anih vei lăng rei pơtăm păng ‘long pơtăm, Anih vei lăng choh jang xa păng cham char Lâm Đồng iŏk hơlen năng 234 kơmẫu plei sầu riêng vă pơm hơdăh kơchơ̆t pơgang Cd, Pb păng pơrang jĭ. Mă hơtuch anih âu ƀôh 4/78 kơmẫu đei kơchơ̆t pơlơ̆k ưh đei lơ hlŏh kơsô̆ hơgăt; 6/78 tơring pơtăm đei Cadimi lơ̆m noh đei 1 kơmẫu lơ hlŏh kơsô̆ hơgăt; 6/78 kơmẫu đei pơrang jĭ. 

Jơ̆p lơ̆m dêh char dang ei đei 337 mã số tơring pơtăm sầu riêng vă tĕch tơ̆ teh đak đe, mă hơdăh tơ̆ tơring 1 dêh char Lâm Đồng so đei 197 mã số tơring pơtăm sầu riêng hăm teh xă hlŏh 8.000ha păng 37 anih tăh lơ̆m tơpu; Tơring 2 dêh char Bình Thuận so đei 26 mã số tơring pơtăm sầu riêng hăm teh xă hlŏh 1.300 ha păng 12 anih tăh lơ̆m tơpu; Tơring 3 dêh char Đắk Nông so đei 114 mã số tơring pơtăm sầu riêng hăm teh xă hlŏh 3.700ha păng 4 anih tăh lơ̆m tơpu.