VOV4. Bahnar - Tơ̆ dêh char Kon Tum kon pơlei choh jang sa kăl đei ŭnh hơyuh 3 pha vă iŏk yua kmăi kmŏk tih tơgŭm ăn choh jang sa. Mă lei, rim mir pơgar choh jang sa ‘noh tă hơtăih kơ pơlei pơla oei dơ̆ng, kon jên tơmơ̆t jang dăng tơlei ŭnh hơyuh 3 pha tơhoach tôch kơ lơ kơna kơdră tơring păng hơnih jang ŭnh hơyuh kơ dêh char Kon Tum ưh kơ đei kon jên mă pơjing. Tơdrong mă au tŏk bŏk pơm ngơ ngê̆ ăn trong vă jang choh jang sa hăm kmăi kmŏk kơ tơring.

VOV4.Bahnar - Tơ̆ pơlei tơm Cần Thơ, Hơnih tơm vei lăng Coh jang sa păng Atŏk tơ iung tơring tơrang pơgơ̆r Pơma đam hăm hơnăn “Atŏk tơ iung pơtrŭt choh jang sa Pơlei pơla tơring Tơmăn đak kroong Cửu Long”. Pơma đam đei vang năm đơ̆ng rim hơnih mơdro sa, Hơnih vei lăng Coh jang sa păng Atŏk tơ iung tơring tơrang rim dêh char tơring Tơmăn đak kroong Cửu Long.

VOV4.Bahnar - Anih tơm vei lăng găh choh jang sa păng hơtŏk tơiung tơring tơrang tơlĕch tơdrong hơgăt truh sơnăm 2025 gô pơtăm ming păng tơgep ming dơ̆ng dang 107 rơbâu hek tar cheh phe. Khei ‘năr âu ki, dôm dêh char Tây Nguyên hlôi bơ̆jang kiơ̆ pơtăm ming păng cheh hơmet pơgar ‘long. Tơdrong pơtăm ming păng choh hơmet pơ ‘lơ̆ng pơgar cheh phe hlôi iŏk đei 1,2 jơnei ‘lơ̆ng, tơgŭm hơtŏk plei ‘yăl, tơplih ming iŏk yua ăn kon pơlei. Mă lei, tơ̆ 1,2 tơring, hơgăt cheh phe đơ̆ng rŏng pơtăm ming ưh kơ đei iŏk yua lơ.

VOV4.Bahnar – Kơyuơ 'mi kial đak hơbông, lơ dơnâu mong pơnơ̆ đak tơ̆ dêh char Đăk Lăk hư hoch răm truh 73 tih hlj.

VOV4.Bahnar – 'Năr brei (11/9), tơ̆ pơlei tơm Buôn Ma Thuột, dêh char Đăk Lăk, Hla bar tơroi Choh jang xa Việt Nam – anih Juăt pơgơ̆r Hop akŏm tơroh tơmam choh pơtăm đei 970 (Anih tơm Choh jang xa – Hơtŏk tơring tơrang) jang atŭm hăm Anih Choh jang xa – Hơtŏk tơring tơrang Đăk Lăk, Jơnŭm jang Sâu riêng Đăk Lăk, Anih jang Vei lăng 'long pơtăm, Anih jang vei lăng tơdrong 'lơ̆ng, Pơm tơlĕch păng Hơtŏk tơring tĕch răt pơgơ̆r Hop akŏm “Băt hơdah tơdrong tơguăt pơm jang, tĕch tơlĕch sâu riêng ăn teh đak đe sơnăm 2023 păng Trong hơtŏk jang đei jơnei kơjăp gah sâu riêng Việt Nam”.

VOV4.Bahnar - Pơgê 8/9, Anih vei lăng găh kơmăy kơmŏk mơdro sa dêh char Dak Lak pơgơ̆r Hop akŏm tơgoăt hơdai mơdro sa đơ̆ng dôm bơngai pơtruh tơmam đơ̆ng choh jang hăm dôm anih mơdro sa tĕch tơmam tơ̆ teh đak đe sơnăm 2023.

VOV4.Bahnar – Tơdrong pơma đam trư̆k tuyê̆n “Trong jang tang găn păng sek tơlang sâm răt glăi, vei vêr bơngai pơtăm sâm Việt Nam” pơgơ̆r ah pơgê năr 9/8 tơ̆ Hà Nội.

VOV4.Bahnar - Tơplih tŏ ‘mi kial roi ‘năr roi krê hơmơt ƀơm ưh kơ ‘lơ̆ng truh tơdrong arih sa, jang sa kơ kon pơlei. Jang cheh phe tơ̆ Tây Nguyên kŭm tŏk bŏk pŭ ƀơm ưh kơ ‘lơ̆ng lơ đơ̆ng tơplih tŏ ‘mi kial. Tơdrong tơplih ưh kơ ê đơ̆ng tŏ ‘mi kial găh hơyuh tŏ, găh ‘mi... athei kon pơlei jang chŭn mir kăl kơ hơbĕch hơbăl, hlôh vao ƀiơ̆ lơ̆m dôm ki thuơ̆t choh pơtăm tơmơ̆t yua ăn pơgar ‘long.

VOV4.Bahnar - Lơ̆m apŭng Krông Pach  (Dak Lak)hrei ‘nâu đei hloh 7.100 hek tar sầu riêng, lơ̆m noh dang 3.000 hek tar tŏk bŏk ăn phĕ iŏk, iŏk yua sơnăm 2022 ‘noh 57.000 tấn plei. Pơyan jang sơnăm, sầu riêng apŭng Krông Pach tơdra hơdrol đei plei lơ, kơjă tĕch măk, ăn kon pơlei jang chŭn mir iŏk yua lơ. Tam mă tôm 1 khei dơ̆ng, sầu riêng Krông Pach gô yak mơ̆t lơ̆m phĕ iŏk tơm, tơdrong vei lăng hơdrol păng đơ̆ng rŏng kơ phĕ iŏk vă pơ vei plei lơ ăn pơgar ‘long oei tŏk bŏk đei bơngai pơtăm hơdrin tơlĕch jang.

VOV4.Bahnar - Tơjê̆ au, tơmoi tơmang pơhiơ̆ ‘meh vă năm tơ̆ rim tơring chă tơmang lăng. Băt hơdăh tơdrong ‘meh vă au, lơ ŭnh hnam kon pơlei tơ̆ apŭng Duy Xuyên, dêh char  Quảng Nam hlôi ming hơmet mir pơgar, atŏk tơ iung chŭn na ƀa đak jing hơnih năm truh tơmang pơhiơ̆, pơjing pơ-‘lơ̆ng tơdrong hơrih sa păng tơgop pơm tơplih tơring tơrang ‘nao.