VOV4.Bahnar - Hăm iŏk yua mŭk drăm ‘lơ̆ng păng pơtho tơƀôh, tơgŭm tơtom đơ̆ng tơring, hơgăt teh ‘long sa plei kơ dêh char Kon Tum đei pơih să tơtĕnh.

VOV4.Bahnar - Dôm ‘măng ‘mi jruh blŭng kăp gĭt hlŏh kơ măih, tơgŭm ăn kon pơlei pơtăm cheh phe tơ̆ Gia Lai phơi jơhngâm klăih đơ̆ng tơdrong pơmat tat yoa đơ̆ng tŏ phang pơđang lơ khei âu ki. Mă lei, dang ei, lơ pơgar chĕh phe oei vă kơtĕn plei tơtă đei yă de phă dơ̆ng. Tŏ ‘mi kial ưh sơđơ̆ng pơm ăn pơrang jĭ tơ̆ ‘long chĕh phe chek lar roi dêh hlŏh dơ̆ng.  

VOV4.Bahnar - Khei năr au ki, tơring Tây Nguyên hlôi iung jang ‘lơ̆ng rim tơdrong đei, tơgop lơ̆m iŏk jơnei atŭm kơ tơdrong tĕch răt hăm teh đak đe kơ teh đak. Tây Nguyên hlôi jing tơring pơjing đei tơmam drăm choh jang sa tơm lơ hloh, mă kăl rim ‘long pơtăm pơm tơlĕch tơmam drăm kăl, ‘long sa plei. Mălei, oei đei lơ tơdrong găn ga vă tơmam drăm choh jang sa tĕch mơdro tơ̆ teh đak đe kơ tơring Tây Nguyên ƀôh kang bang kơ̆l lơ̆m hơnih mơdro sa teh đak đe.

VOV4.Bahnar - Apŭng sơlam teh đak Sa Thầy, dêh char Kon Tum đei măt bơngai truh 54.000 ‘nu bơngai, lơ̆m au bơngai kon kông tơmơ̆t 57%. Sơnăm 2021, Hơnih Đảng apŭng Sa Thầy pơjing Tơdrong vă jang 07 găh hơmet ming mir pơgar, tơgŭm djru, pơtho ăn kon pơlei pơtăm ‘long pơtăm atŏk tơ iung mŭk drăm ŭnh hnam. Hăm vang iung jang kơtang đơ̆ng khul kơdră chĕp pơgơ̆r đảng, kơdră chĕp pơgơ̆r vei lăng tơring păng tơdrong pơm jŭk yŭk trong hơlau đơ̆ng đảng viên kơ rim pơlei pơla, tơdrong hơmet mingrr tơ̆ tơring sơlam teh đak Sa Thây iŏk đei jơnei kơtang, hơgăt teh ‘long sa plei lang să tĕnh koăng.

VOV4.Bahnar - Dôm năr ‘nâu, kon pơlei jang chŭn Đắk Lắk oei hăt yoă ƀa phang. Kon pơlei tôch hơiă yoa 1 pơyan jang xa đei, yă tĕch măk. Hăm hlŏh 46.500 ha ƀa, tơchĕng adrol pơyan ƀa phang ‘nâu dêh char Đắk Lắk kăt yoă đei hlŏh 240.400 tân ƀa, tŏk 7.000 tân pơting hăm sơnăm sơ̆.

VOV4.Bahnar - Khei năr au, bơngai pơtăm vải tơ̆ apŭng Ea Kar (Dak Lăk) tŏk bŏk yakmơ̆t lơ̆m khei năr phĕ. Sơnăm au ‘năr tŏ chrih chrĕng, phang pơđang đunh năr, ‘long vải ưh kơ gan plei lơ pơtêng hăm sơnăm hơdrol. Mă lei gơnơm kơjă măt, tĕch răt sơđơ̆ng, bơngai pơtăm ‘long au tơ̆ Ea Kar oei đei iŏk yua kơjăp.

VOV4.Bahnar - Lâm Đồng jĭ dêh char dơ̆ng hơdrol găh choh jang xa hăm kơmăy kơmŏk ‘nao. Lơ tơmam đơ̆ng choh jang xa đei kơ dêh char âu nhen ‘nhot, pơkao, cheh phe… hlôi đei tĕch tơ̆ jơ̆p tơring lơ̆m teh đak păng tĕch tơ̆ teh đak đe hai. Vă hơtŏk tơdrong đei yoa đơ̆ng tơdrong ‘lơ̆ng ‘nâu kŭm nhen hơtŏk kơsư̆k pơjei ăn dôm tơmam đơ̆ng choh jang xa đei tơ̆ dêh char, kŭm hăm hơtŏk tơdrong jang hăm kơmăy kơmŏk ‘nao, Lâm Đồng oei hơtŏk tơdrong tơmât yoa kơmăy sô̆ lơ̆m tơdrong jang xa, pơm tơlĕch păng tĕch mơdro tơmam pơtăm hăm mơ̆r, pơm lăp hăm tơdrong mĕh vă roi tŏk đơ̆ng anih tĕch mơdro lơ̆m teh đak păng tơ̆ teh đak đe.

VOV4.Bahnar - Tơ̆ Hà Nội, Anih tơm vei lăng găh Choh jang sa păng Hơtŏk tơiung tơring tơrang pơgơ̆r hop akŏm “Pơtrŭt tơdrong hiôk jang hơdai lơ̆m tơdrong choh jang sa” hăm tơdrong vang akŏm đơ̆ng Bơngai chĕp kơ̆l jang mơdro sa păng choh jang sa đơ̆ng 1, 2 teh đak đei choh jang sa hơtŏk tơiung lơ̆m apŭng plĕnh teh.

VOV4.Bahnar - Đơ̆ng blŭng khei 5 truh dang ei, yă cheh phe jur đơ̆ng 135 triu 1 tân pă 90 triu 1 tân. Tơ̆ dêh char Gia Lai, yă chĕh phe jur ưh đei pơm tơlĕch hiong răm lơ ăn bơngai pơtăm, mă lei anih jang chĕh phe đei đon kơchăng jang xa tơtơng yoa hli đei tơdrong hiong răm.

VOV4.Bahnar - Phang pơđang tŏk bŏk pơm kơnê̆ truh choh jang xa kơ Tây Nguyên. Mă lei hăm trong anai, pơyan phang ‘noh jĭ mĭnh pơyan tôch hơ iă ăn choh jang sa kơ tơring. Đĭ đăng ‘long pơtăm tơm nhen chehphe, sâu riêng, tiu, ‘long găr sơlơ̆k, măk ka ... jei chôh pơkao, kơtăn plei lơ̆m pơyan phang. Sa roi tŏ pơkao plei sa roi ‘lơ̆ng ƀau phu tru hut, tơdăh sơđơ̆ng măh mai đak, pơyan phang gô hơnhăk ăn “Pơyan hu măih” ăn Tây Nguyên.