VOV4.Bahnar - Hơnih vei lăng Choh jang sa păng Atŏk tơ iung tơring tơrang apŭng Cư Mgar, dêh char Dak Lăk tŏk bŏk iung jang hơdoi hăm rim tơring chih jô̆ dơnơm sâu riêng kon pơlei tơgơ̆ lăp đơ̆ng rŏng kial hơbŭt pơrăm lơ̆m drung kơsơ năr 6/7 păng tơchă trong tơgŭm djru.

VOV4.Bahnar - Lơ̆m 6 khei blŭng sơnăm, choh jang sa Dak Lăk đei lơ rơvơn, kơjă tơmam drăm choh jang sa (chehphe, tiu, sâu riêng) tŏk măt kơtang, tơgop kơtang pơm sơđơ̆ng hơrih sa ăn kon pơlei păng atŏk tơ iung mŭk drăm-tơpôl kơ dêh char.

VOV4.Bahnar - Pơ̆n tơchĕng, pơ̆n jang, chă trong năm ‘nao ăn tơring teh puih phang, dôm buăl mơlôh tơ̆ xăh Ea Nuôl, apŭng Buôn Đôn, dêh char Đắk Lắk hlôi iung jang hơdrol jang kiơ̆ tơdrong jang pơtăm ‘long hơmu. Hloh 3 sơnăm pơlong lăng, truh dang ei, tơdrong jang yak blŭng hơnhăk ăn iŏk yua mŭk drăm lơ.

VOV4.Bahnar -  Đơ̆ng rŏng 15 sơnăm jang kiơ̆ pơlong năng 2 tơdrong vă jang sir iŏk, pơm tơlĕch ƀô xít Tân Rai (Lâm Đồng) păng Nhân Cơ (Dak Nông) hlôi tơƀôh hơdăh ‘nou jĭ mĭnh trong tơlĕch jang tôch trŏ lăp đơ̆ng Đảng păng Teh đak, tơgop lơ̆m tơdrong pơm tơplih ăn tơring Tây Nguyên kiơ̆ trong tơlĕch jang iŏk đei jơnei vă atŏk tơ iung tĕnh koăng păng kơjăp ‘lơ̆ng. Hơdrô̆ Dak Nông, hơnih jang alumin Nhân Cơ hlôi pơtrŭt kơtang tơdrong atok tơ iung mŭk drăm tơpôl, tơƀôh hơdăh tơdrong jang tơm mŭk drăm kơ dêh char.

VOV4.Bahnar - Hơnih vei lăng Choh jang sa păng atŏk tơ iung tơring tơrang dêh char Dak Lăk ‘nao pơgơ̆r “Hop akŏm tơlĕch jang tĕch răt sâu riêng pơyan phĕ sơnăm 2024”.

VOV4.Bahnar - Dôm sơnăm ou ki, kon pơlei KơTu oei tơ̆ tơring groi kông dêh char Quảng Nam tơmơ̆t jên jang pơtăm ‘long bri, hơnhăk đei iŏk yua kơjăp, tơgŭm ăn kon pơlei yak hloh tơnap tap atŏk pơm pơdrŏng. Mă lei, kon pơlei găh lơ pơtăm ‘long keo kơna hơmơt đak lŏk jrŏh hŭt tĕh, pơm kơnê̆ cham char. Dôm sơnăm tơjê̆ au, dêh char Quảng Nam hlôi tơlĕch lơ tơdrong tơchơ̆t pơtrŭt kon pơlei tơplih đơ̆ng pơtăm ‘long păh ai jing pơtăm ‘long tih, mĭnh păh pơm atŏk tơ iung mŭk drăm, mĭnh păh jei vang tơgop lơ̆m vei lăng cham char bri brăh.

VOV4.Bahnar - Atŭm hăm chehphe, sâu riêng, tiu, phe ƀa ‘noh jei tơmam drăm đei rơvơn kơ dêh char Dak Lăk. Mă lei, phe đei hơnăn Dak Lăk oei tŏ sĕt, găh lơ ƀa kơ Dak Lăk đei “tĕch hơyoh”. Tơdrong chă ot pơ ‘lơ̆ng phe hlôi tơlĕch ăn lơ sơnăm mă lei rim hơnih mơdro sa tơ̆ ou oei tom mă tơchă đei trong hơmet pơ ‘lơ̆ng tơdrong ou.

VOV4.Bahnar - Lơ̆m dêh char dang ei đei vă jê̆ 6.000hek tar sầu riêng, lơ̆m noh hơgăt teh đei plei phĕ tĕch đei dang 1 puăt, akŏm tơ̆ dôm apŭng nhen Chư Prông, Ia Grai, Đăk Đoa, Chư Sê păng Chư Pưh.

VOV4.Bahnar - Dêh char Đăk Lăk hlôi mât lơ̆m pơyan ‘mi, pơyan blŭh vơ̆ đơ̆ng rim kơloăi ‘long xa plei. Hăm kon pơlei pơtăm ‘long sâu riêng, ‘nâu jĭ khei ‘năr kăl hlŏh vă gơ̆h pơm ăn ‘long đei plei ‘yăl, đơ̆ng rŏng dôm tơdrong hiong răm yoa đơ̆ng tŏ phang pơđang đunh. Kon pơlei tơ̆ dôm tơring pơtăm ‘long sâu riêng tơ̆ dêh char hơtŏk jơhngơ̆m vei lăng, tang găn sơdrông phă, ‘long tơgơ̆, plei hơlŭng lơ̆m pơyan ‘mi kial. Rim plei ‘long sầu riêng đei kon pơlei chô̆ hơmet tôch kơjăp, khŏm vei lăng mă ‘lơ̆ng truh pơyan phĕ plei.  

VOV4.Bahnar -  Jang kiơ̆ trong jang atŏk tơ iung mŭk drăm tơpôl, trong jang hơp tak xah tŏk bŏk tŏk kơtang lang să tơ̆ rim tơring kơ dêh char Sơn La, pơtrŭt kơtang tơplih trong jang sa, tơplih jơhngơm đon tơchĕng, trong jang kơ kon pơlei. Tơdrong tơgoăt jang hơdoi choih jang sa ưh khan lăp tơgŭm ăn hơp tak xah pơ̆ih să choh jang sa mă oei tơgŭm kon pơlei choh jang sa vang iung jang lơ̆m trong jang sa hle đei iŏk yua kơjăp hloh dơ̆ng.