‘Nâu jĭ ‘măng mă blŭng Đắk Lắk pơgơ̆r tơdrong ‘nâu lơ̆m năr Lêh cheh phe Buôn Ma Thuột. Kiơ̆ kơ ‘nŏh, Kơtrăi chĕh phe gô đei pơgơ̆r đơ̆ng ‘năr 10 – 12/3 tơ̆ Anih gru groa gĭt kăl – Jŏh ayŏ kơ dŏ xoang Ca Da, xăh Ea Yông, apŭng Krông Pach, dêh char Đắk Lắk. Hăm hơnăn "Yak hơdoi, tơgŭm băl", Kơtrăi chĕh phe gô hơnhăk ba lơ tơdrong ‘lơ̆ng đơ̆ng hơnăn chĕh phe Buôn Ma Thuột, pôk pơ ư bơngai pơtăm, ot chĕh phe, atŭm hăm ‘nŏh tơƀôh hơdăh anih dơ̆ng đơ̆ng chĕh phe Việt Nam lơ̆m apŭng plenh teh.

Tơ̆ kơtrăi, gô đei lơ tơdrong jang chơt hơiă, đei hloi pơm kơtrăi; ming pơdă tơmam chĕh phe ‘lơ̆ng, OCOP, tơmam đơ̆ng choh jang xa; pơdă um rup, kon pơlei jang chŭn mir pơjei băl, jŏh ayŏ kơ dŏ xoang păng loi jĭ dôm tơdrong thi hơdrĕng, ot, pha chĕh phe ‘lơ̆ng. Lêh cheh phe Buôn Ma Thuột ‘măng mă 9 sơnăm 2025 pơgơ̆r đơ̆ng ‘năr 9 - 13/3/2025 hăm hơnăn “Buôn Ma Thuột anih truh đơ̆ng chĕh phe apŭng plenh teh”.