Đắk Lắk dang ei đei dang 41.000 hek tar sầu riêng, hăm plei tơchĕng hơdrol sơnăm ‘nâu đei dang 400.000 tấn, tŏk lơ pơting hăm dôm sơnăm hơdrol. Anih vei lăng găh Choh jang sa păng Cham char dêh char Đắk Lắk hlôi jang hơdai hăm Khŭl jang Sầu riêng păng dôm anih mơdro sa, hơp tak xăh, tŭn pran hơlen lăng tơdrong ‘lơ̆ng, iŏk tơmam tơblang hơdăh rơkăh kơsô̆, pơkăp ưh kơ yua dôm kơchơ̆t kơ̆m, mă loi ‘noh vei lăng kơhret kơchơ̆t vàng ô păng cadimi.

Khŭl jang Sầu riêng Đắk Lắk kŭm tơtă kơ kon pơlei ‘nĕ kơ tĕch hrôih ƀơ̆t tam mă truh khei ‘năr phĕ, veh ver ưh kơ pŭn ai đei pơgơ̆ kơjă dăh mă ưh kơ ‘lơ̆ng.