Lơ̆m kơsô̆ 624 anih pơtruh đak yoa tơ̆ tơring tơrang kơ dêh char Lâm Đồng dang ei lăp đei 285 anih oei gơ̆h yoa ‘lơ̆ng, hlŏh 40 anih ưh đei yoa păng vă jê̆ 300 anih đak tơnglang hư pă gơh yoa hloi. Tơdrong pơm ăn hlŏh 1 puăt anih pơtruh đak yoa tơ̆ dêh char ưh đei yoa âu ‘nŏh yoa đơ̆ng vei lăng ưh kơ ‘lơ̆ng.

Kiơ̆ ƀok Lê Trọng Yên, Phŏ Kơdră vei lăng kon pơlei dêh char Lâm Đồng, vă dôm anih pơtruh đak yoa tơ̆ tơring tơrang gơ̆h đei yoa ‘lơ̆ng, ‘ngoăih kơ vei lăng, hơmet ming hơnơ̆ng kiơ̆ khei, khul kơdră pơgơ̆r dôm tơring athei pơjing đei trong bơ̆ jang vei lăng mă lăp ‘lơ̆ng hai.