Hơdah đei: Hơnih hơlen Bình Đê tơ̆ Jăl trong 1 (phương Hoài Nhơn Bắc); Hơnih hơlen Song An tơ̆ Jăl trong 19 (xah Cửu An); Hơnih hơlen Ia Khươl tơ̆ Jăl trong 14 (xah Ia Khươl) păng Hơnih hơlen pơrang jĭ Ia Le tơ̆ Jăl trong 14 (xah Ia Le), pơtoi jang kơjăp hơlen măng năr hloi. Tơ̆ rim anih hơlen, khul pơm jang đei asong pơlơh băl, hăm tơdrong vang jang đơ̆ng Hơnih jang gah Hơmet pơrang Jĭ ăn kon tơrong păng Kanh sat hơlen trong nơnăm. Khul jang Vei hơlen tơring tĕch răt gô đei hơvơn jang mưh đei tơdrong kăl.

Hơnih hơlen athei chă hơlen kơjăp tơdrong chơ pơdŭ kon tơrong păng 'nhĕm kon tơrong mơ̆t lĕch tơ̆ dêh char. Rim tơdrong pơm glăi gô đei sek tơlang kiơ̆ trŏ khôi luơ̆t teh đak. Atŭm hăm noh, tơdrong pruih pơgang brai pơnhŭl ăn gre chơ kon tơrong găn hơnih jang hơlen athei đei pơm jang hơnơ̆ng, vă pơlôch sơmach pơm jĭ, tang găn tơdrong tơpoh tơƀat jĭ hăm kon tơrong.