Dang ei jơ̆p teh đak đei hloh 46.000ha măk ka, mă lơ noh pơtăm tơ̆ tơring Tây Nguyên păng Tây Bắc, jô̆ hơlen lơ̆m sơnăm 2025 đei yua hloh 20.000 tơ̆n găr hơdrih. Sơnăm 2024, jơ̆p teh đak tĕch ăn teh đak pơhlom 600 tơ̆n găr măk ka mă lei adoi răt tơmơ̆t đơ̆ng 3.500 truh 4.000 tơ̆n găr măk ka vă pơm tơlĕch tơmam xa tĕch lơ̆m teh đak.

Lơ tơdrong tam mă 'lơ̆ng lơ̆m pơm tơlĕch păng hơtŏk tơring pơtăm đei tơbang lơ̆m 'măng pơma đam. Ƀok Lê Quốc Thanh, Kơdră Anih Pơtrŭt Choh jang xa kơ Teh đak sơkơ̆t hơdah, ou jĭ dôm tơdrong tơnap tap tih hloh kăl dah hrôih pơklaih, mă hăt noh athei pơjing đei tơdrong jang hơdoi đơ̆ng pơjing păng tĕch tơlĕch tơmam drăm pơm đei đơ̆ng măk ka.