Kiơ̆ kơ ‘noh, Kơdră Anih vei lăng kon pơlei rim xăh, phường athei vei lăng teh pơtăm, vei lăng mã số tơring pơtăm, hơnih tăh hơmet, tang găn phĕ iŏk sầu riêng kơsĕ, ‘lơ̆p. Tơdrong pơkăp ‘lơ̆ng đei băt hơdăh: 125 – 135 năr hăm hơdrĕch Dona, 110 – 120 năr hăm hơdrĕch Ri6.

Mưh pơm glăi gô đei sek phak kơhret. Anih vei lăng găh Choh jang sa păng Cham char đei pơjao tŭn pran pơtho kơmăy kơmŏk, iŏk yua kơmăy kơsô̆ lơ̆m tơchă băt anih pơm tơlĕch, hơtŏk loi dơ̆ng dăr lăng rơgoh ‘lơ̆ng tơmam sa, vei lăng tơ ngiĕt păng pơm tơlĕch ‘lơ̆ng vă hơtŏk ‘lơ̆ng kơjă tŏk. Anih vei lăng Kơmăy kơmŏk tĕch mơdro pŭ hơnăp jang bơ̆jang hơdai vei lăng tơdrong jang răt iŏk, tang găn pơgơ̆ kơjă, hơdai hăm pơtrŭt tĕch mơdro, tơklep hơdai tĕch mơdro kiơ̆ anih tĕch le păng tĕch lơ̆m kơmăy điện tử.