Sơnăm 2025, Gia Lai đei dang 5.600 hek tar gui yuăn, plei hloh 210 rơbâu tấn. Dêh char hlôi đei asong 48 hơnăn kơsô̆ tơring pơtăm hăm hloh 1.150 hek tar păng 6 anih tăh hơmơt pơyua ăn tĕch tơ̆ teh đak đe. Dang ei, anih jang gui yuăn oei tơjră  lơ tơdrong kơhret: pơm tơlĕch răh rai, jang hơdai ưh kơ ‘lơ ‘lŏ, hơdrĕch ‘lơ̆ng ưh kơ dang ăi, pơrang jĭ mơmat tat, jên logistics măk, păng tơdrong pơgăn ki thuơ̆t kơhret đơ̆ng EU, Mi, Nhật Bản păng Trung Quốc.

Tơ̆ hơnăp tơdrong ‘nâu, Hop akŏm pơma hơdăh athei jang pơkeh trong jang hơdai, mă loi ‘noh tơdrong jang “Anih mơdro sa - Hơp tak xăh - Kon pơlei jang chŭn mir, yak truh “5 hơnih’ ‘noh đei Teh đak - Anih mơdro sa - Hơp tak xăh - Kon pơlei jang chŭn nir - Anih mong jên. Anih tơm vei lăng găh choh jang sa păng cham char tơƀôh hơdăh, jang hơdai ‘noh jĭ tơdrong kăl tơm vă hơtŏk ‘lơ̆ng kĕ pơjei, pơtrŭt choh jang sa hơtŏk tơiung tơ̆ hơnăp kơnh.