Mă hơdăh, lơ̆m 4 tơdrong jang âu, đei 3 tơdrong jang unh điên măt ‘năr păng 1 tơdrong unh điên kial, akŏm đĭ đăng đei kơsư̆k 230MW, tơchĕng adrol vă tơlĕch jang tơ̆ xăh Ia Le păng 1 păh tơ̆ xăh Chư Pưh. Khul kơdră pơgơ̆r xăh Ia Le păng xăh Chư Pưh athei iŏk jang tơdrong hrŭ ‘mong jên teh, tơgŭm, pơjing tơring oei xa ‘nao păng chưk pơ ‘ngoăih teh vă pơyoa ăn tơdrong jang.

Anih vei lăng kon pơlei dêh char Gia Lai oei athei dôm anih tơmât jên jang pơm kiơ̆ mă ‘lơ̆ng tơdrong hơgăt đơ̆ng khôi luơ̆t găh tơmât jên jang, ming man, chĕng hơmet teh păng vei lăng cham char; hơmet tôm jên jang, iŏk yoa ki thuơ̆t ‘lơ̆ng păng ưh gơ̆h tĕch tơdrong jang mưh anih jang kơpal tam mă đei drơ̆ng nơ̆r asong.