VOV.Bahnar - Truh dang ei, chŭn na Tuy Hòa - tơring jang ƀa tơm hloh lơ̆m tơring Hơlĕch dêh char Dak Lăk (sơ̆ ‘noh găh dêh char Phú Yên) oei tim mă hơmet p ‘lơ̆ng tom ăn choh jang sa nhen rim sơnăm. Đak lip đĭ och mă lei dôm tơdrong răm găh pơnơ̆t đak hơboong thoong đak, chŭn na păng hwodrĕch pơm ăn rơbou ŭnh hnam kon pơlei tim mă gơh vă choh jang sa pơyan ƀa Pang ƀlep pơyan.

VOV.Bahnar - Đắk Lắk jĭ dêh char đei teh pơtăm cheh phe xă hlŏh lơ̆m teh đak hăm hlŏh 214.000 hek tar, pơyan phĕ 2025 – 2026 plei phĕ đei 570.000 tấn găr, hơnhăk ba iŏk yoa dang 54.000 ti hlak jên. Pơyan phĕ 2025-2026 âu, ‘mi đunh pơm ăn tơdrong sơ̆k hơmet tơmam tơƀâp lơ pơmat tat yoa cham sơ̆k ưh đei yoa. Ƀơ̆t đei tơdrong ‘nâu, dôm kơmăy sơ̆k plei hơdrih jing tôch đei yoa, tơgŭm ăn dôm tơ ‘ngla kơmăy sơ̆k đei iŏk yoa kơjăp păng găr cheh phe đơ̆ng dêh char oei liĕng ‘lơ̆ng, pơm lăp hăm tơdrong tĕch mơdro tơ̆ teh đak đe.

VOV.Bahnar - ‘Năr 23/12, tơ̆ Đắk Lắk, Anih pơtrŭt choh jang sa Teh đak pơgơ̆r Hop akŏm “Tơdrong jang pơtrŭt choh jang sa tơpôl lơ̆m pơgơ̆r khŭl kơdră chĕp kơ̆l tơring 2 tăl”.

VOV.Bahnar - ‘Mi kial hơbŭt kơsô̆ 13 kŭm ‘măng ‘mi tih đak lơ̆p tôch kơ dêh đơ̆ng rŏng ‘noh, hlôi pơm ăn hiong răm kơtang ăn rơbâu ŭnh hnam rong ka hơdang tơ̆ lơ tơring tơ ter đak dơsĭ kơ dêh char Đắk Lắk. Mă đơ̆ng tŏk bŏk tơjră hăm lơ mơmat tat, dôm bơngai rong ka hơdang tŏk bŏk hăt hơt pơm hơdrao rong, bơ̆ hơmet bơnơ̆ jih đak, pơm rơgoh dơnâu hơlŭng rong, hơmet ăn kon yŏng vă hơchăng rong, tơiung ming pơyan jang ‘nao.

VOV.Bahnar - Dôm dêh char Tây Nguyên tŏk bŏk yak mơ̆t lơ̆m pơyan phĕ cheh phe sơnăm 2025 – 2026. Tơ̆ dôm xăh păih Pơmơ̆t Pơbăh dêh char Lâm Đồng (hơdrol ‘noh dôm apŭng Đắk R’lấp, Đắk Song, Đắk Mil, Tuy Đức păng Cư Jút kơ dêh char Đắk Nông), kơhrĕng rơbâu tấn cheh phe đei kon pơlei phĕ iŏk. Dôm gre kŏng nŏng tơdruh băl lơ̆m pơyan cheh phe ling lang đei hơmơt ưh kơ sơđơ̆ng tơ̆ trong nơnăm. Anih jang kơpal kŭm hăm kon pơlei tŏk bŏk tơlĕch jang hrơ̆ch dôm trong jang vei lăng sơđơ̆ng ăn kon pơlei mĭnh pơyua phĕ hiôk.

VOV.Bahnar - Tơ̆ phường Pleiku, dêh char Gia Lai, Anih jang găh Choh pơtăm păng Vei lăng ‘long pơtăm kŭm hăm Anih vei lăng găh Choh jang sa păng Cham char dêh char Gia Lai kŭm hăm dôm anih jang ƀơm truh pơgơ̆r Hop akŏm “Hơtŏk tơiung tơmam gui yuăn kơjăp kiơ̆ trong jang hơdai”.

VOV.Bahnar - Tơ̆ Buôn Ma Thuột, dêh char Đắk Lắk, Grŭp jang Cheh phe Buôn Ma Thuột (BMTCA) păng Grŭp jang Cheh phe Daegu (DCA – Hàn Quốc) hlôi kĭ pơkăp Hla ar chih tơƀlŏk jang hơdai vă hơtŏk loi dơ̆ng roi tơƀôh, tơgoăt tĕch mơdro hơdai păng pơtrŭt hơtŏk tơiung cheh phe ‘lơ̆ng đơ̆ng 2 tơring.

VOV.Bahnar - Đắk Lắk dang ei đei hlŏh 800 rơbâu hectar teh pơtăm ‘long lơ kơloăi, lơ̆m noh cheh phe, tiu, sầu riêng păng ‘long xa plei oei jing dôm tơmam tơm. Dôm sơnăm tơjê̆ âu, lơ unh hnam pơ̆n jang kiơ̆ kơmăy kơmŏk, jang hăm kơmăy kơdâu kơdih păng iŏk yoa kơmăy sô̆ lơ̆m tơdrong choh jang xa. Dôm trong jang ‘nâu ưh lăp pơm tơplih đon tơchĕng mưh choh jang xa đĕch mă oei pơih đei trong pơjing tơring pơtăm tơmam hăm kơmăy sô̆, pơm lăp hăm tơdrong ‘mĕh vă tơ̆ anih tĕch mơdro dơ̆ng. 

VOV.Bahnar - Dôm đon tơchĕng rơgoh tôch kơ hơgei ăn anih jang cheh phe Việt Nam hlôi đei pôk pơ ư tơ̆ ‘Măng pơlong pơtôch păng Lêh pơjao tơmam hơpăh ‘Măng pơlong “Trong jang Tơplih ‘nao pơcheh hơgei pơm lăp hăm tơplih tŏ ‘mi kial ăn tơdrong jang cheh phe” pơgơ̆r ‘năr (10/12), tơ̆ Hnam trưng Đại học Tây Nguyên, dêh char Đắk Lắk.

VOV.Bahnar - Bơ̆jang kiơ̆ tơdrong jang khŭl kơdră chĕp kơ̆l tơring 2 tăl, dêh char Lâm Đồng hlôi tơklăh pơđĭ 14 Hơnih jang Ki thuơ̆t choh jang sa tơring, păng ăn pơtruh hloh 300 ‘nu kang ƀô̆ pơtrŭt choh jang sa bơ̆jang tơ̆ rim tơring. ‘Nâu đei lăng jing hơyak hơmet ming pran kơtang, pơih ăn tơdrong vei lăng ‘nao lơ̆m tơdrong jang choh jang sa, ăn khŭl jang ki thuơ̆t truh  jê̆ hloh hăm kon pơlei.