Đăk Lăk jĭ minh lơ̆m dôm tơring pơtăm sâu riêng tơm kơ teh đak, hăm teh xă hloh 41.000 ha, plei ‘long sơnăm 2026 đei dang 500.000 tâ̆n. Tơdrong hơmet pơ ‘lơ̆ng trong jang đei tơlĕch jang đơ̆ng ‘năr 26/10 truh 26/11 tơ̆ 35 xăh, phương. Tơdrong tơm ‘nŏh pơtho tơƀôh ăn kon pơlei pơm kiơ̆ trong jang VietGAP; iŏk yua phŏng, pơgang vei lăng 'long pơtăm lăp hăm tơdrong hơgăt; vei lăng măh mai đak, phĕ iŏk, pơm hơmet tơmam mă 'lơ̆ng, vei lăng rơgoh 'lơ̆ng tơmam xa păng chih hơdăh anih pơm tơlĕch.

Kŭm hăm 'noh jĭ pơtho tơƀôh dôm tơdrong hơgăt găh kơsô̆ chih tơbăt tơring pơtăm, vei lăng rơgoh 'lơ̆ng tơmam păng hơtŏk đei yua mưh pơm tơlĕch tơmam đơ̆ng plei sầu riêng. Tơdrong jang gô tơgŭm kon pơlei jang chŭn mir hơtŏk đon hlôh vao, dar deh tơplih tơdrong juăt mưh jang xa, jang kiơ̆ tơdrong hơgăt VietGAP păng kơchăng vei lăng kơsô̆ chih răk găh tơring pơtăm. Kiơ̆ đơ̆ng noh, pơjing tơdrong 'lơ̆ng găh tơmam, vei kơjăp đon lui hăm sầu riêng Đăk Lăk, hơtŏk tơdrong pơjei păng tưk tơiung anih jang tŏk pran kơjăp.