Dêh char Đắk Lắk dang ei đei vă jê̆ 220.000 hek tar cheh phe, tơmam hloh 580.000 tấn rim sơnăm. Tơmam âu hơnhăk ăn jên tĕch tơ̆ teh đak đe vă jê̆ 900 triệu USD 1 sơnăm. Mă lei, dang 90% hơgăt cheh phe yua đơ̆ng dôm unh hnam kon pơlei jang iĕ vei lăng, tơlĕch ăn ‘meh vă pơgơ̆r dơ̆ng jang sa, hơtŏk ‘lơ̆ng păng rơđăh tơm a hơla chă vă pơvei tơdrong pơjei lơ̆m anih tĕch mơdro apŭng plĕnh teh.

Jăl jang 2021–2025, ‘moi kiơ̆ Tơdrong jang Cham char kơjăp ‘lơ̆ng, IDH jang hơdai hăm dôm anih jang hơdai tơlĕch jang lơ tơdrong jang tơ̆ Đắk Lắk, kŭm hăm cheh phe đei hloh 91.500 hek tar păng hloh 75.000 unh hnam kon pơlei sa yua. Jăl jang 2026–2030, 2 păh yak truh pơjing tơring cheh phe kơjăp dơ̆ng dang 75.000 hek tar tơ̆ Đắk Lắk.