VOV.Bahnar - ‘Năr (16/10), tơ̆ Hà Nội, Anih tơm vei lăng choh jang xa păng cham char pơgơ̆r Hop akŏm hơlen năng tơdrong jang đei mưh atŏk tơiung tơmam OCOP păng chă tơmang lăng tơ̆ tơring tơrang đơ̆ng 2021-2025, trong jang đơ̆ng 2026-2030.

VOV.Bahnar - Hăm tơdrong đei yua ‘lơ̆ng đơ̆ng tŏ ‘mi kial, teh kŭm hăm tơdrong tĕch tơ̆ teh đak tŏk pran kơtang, gui yuăn tŏk bŏk tơƀôh hơdăh hơnih dơ̆ng lơ̆m hơmet ming choh jang sa Tây Nguyên. Dang ei tơring ‘nâu đei truh hloh 80% hơgăt teh păng 90% tơmam gui yuăn lơ̆m teh đak, tơgop hơnhăk Việt Nam lơ̆m grŭp 10 teh đak tĕch tơ̆ teh đak đe gui yuăn lơ hloh apŭng plĕnh teh.

VOV.Bahnar - Năr brei (8/10), tơ̆ dêh char Dak Lăk, Hơnih tơm vei lăng Choh jang sa păng Cham char iung jang hơdoi hăm Hơnih vei lăng kon pơlei dêh char Dak Lăk pơgơ̆r Hop akŏm “Pơtôch jăl blŭng choh jang sa, vei lăng ‘long pơtăm sơnăm 2025 păng tơlĕch trong pơprŏ jang choh jang sa sơnăm 2026 tơring Tơmăn Nam Trung Bộ – Tây Nguyên”.

VOV.Bahnar - Hơtŏk tơiung bri ‘long tih đei hla ar pơkăp FSC ưh khan lăp tơgŭm hơtŏk ‘lơ̆ng kơjă mŭk drăm đơ̆ng ‘long bri mă oei pơih đei tơnang ‘măng ăn kơ ‘long, tơ̆r Việt Nam lĕch tơ̆ anih tĕch mơdro apŭng plĕnh teh. Mă lei, tơpă yan âu ăn ƀôh, vă đĭ đăng rim tơring, bơngai pơtăm joăt hăm bri ‘long iĕ, dăh mă ‘meh vă tơplih jing bri ‘long tih ‘noh tơƀơ̆p lơ pơmat tat găh jên, ki thuơ̆t păng trong gơh băt tơdrong hơgăt ‘lơ̆ng apŭng plĕnh teh.

VOV.Bahnar - Pơyan ‘nâu, tơ̆ jơ̆p kơdơ chŭn na ƀa đak tơ̆ dôm xăh Chư A Thai, Phú Thiện, Ayun Pa, dêh char Gia Lai pơtơm mât lơ̆m pơyan yoă ƀa. Dơdĭk kơmăy yoă, preh ƀa, hơtriu hơtrăo ƀa đum ‘lơ̆ng hơnhăk ba jơhngâm đon chơt hơiă ‘nă hal ăn kon pơlei jang chŭn mir. Gơ̆h đei thoi âu, ‘ngoăih kơ tơdrong adrin đơ̆ng kon pơlei ‘nŏh kŭm đei tơdrong tơgop gĭt kăl đơ̆ng dơnâu đak Ayun Hạ hai.

VOV.Bahnar - Tơ̆ hơnăp ‘meh vă roi ‘năr roi lơ păng tôch kơ hơlen đơ̆ng bơngai răt yua, lơ anih mơdro sa, anih pơm tơlĕch tơ̆ Đắk Lắk hlôi kơchăng tơplih ‘nao, pơm lơ tơmam, tơgĕch iŏk yua tơplih kơsô̆ păr ang pran kơtang hơnăn păng hơtŏk jơhngơ̆m pơjei đơ̆ng tơmam Việt tơ̆ anih tĕch mơdro

VOV.Bahnar – Anih jang Khua hŏk Ki thuơ̆t Choh jang xa jang gah bri Tây Nguyên 'nao tơroi gah tơdrong juăt jang hơnăn “Pơtăm hrou sâu riêng păng măk ka lơ̆m pơgar kaphê: Pơyua, tơnap tap păng tơlĕch trong pơm jang 'nao”.

VOV.Bahnar - Tơ̆ groi kông ‘măng yang An Toàn, xăh An Toàn, dêh char Gia Lai, kơjung vă jê̆ 800 met pơting hăm đak dơsĭ, prăt sơnăm đei tŭk dom, ưh đei hơyuh điên thoăi, ưh đei mang internet. Tơ̆ tơring hơdrô̆ hơdrăn âu, klo kăn Võ Minh Mơ păng Đinh Lê Tuấn Anh rơih trong iung jang xa hăm tơdrong pơtăm ‘long kuê̆ đơ̆ng yă ƀok sơ̆, pơjing Hơp tak xah pơm pơgang păng pơvih pơvăn An Lão đơ̆ng sơnăm 2022. Trong jang đơ̆ng măr sư hlôi tơiung đei ‘long kuê̆ tơ̆ bri kông, hơnhăk ba tơdrong arih xa ‘nao ăn kon pơlei păng đon lui ăn bri kông.

VOV.Bahnar – Kon pơlei jang ka Lâm Đồng oei mât lơ̆m pơyan yâu ka nŭk pơdui đunh truh đĭ khei 9 âm păng lơ̆m dôm năr âu ki, lơ ƀa to yâu ka, yâu đei lơ ka nŭk, tơgŭm ăn kon pơlei jang xa đei iŏk yoa lơ.

VOV.Bahnar - Tơ̆ tơring groi kông Khánh Vĩnh, dêh char Khánh Hòa, lơ trong jang hơdoi đei tơlĕch, pơih đei trong jang tŏk ‘nao ăn kon pơlei kon kông. ‘Nâu jĭ trong jang tôch lăp hăm rim tơdrong đei tơ̆ tơring, vang tơgop ‘lơ̆ng ăn tơdrong bơ̆ jang kiơ̆ tơdrong jang tơm kơ teh đak găh atŏk tơiung mŭk drăm tơpôl tơ̆ tơring kon kông păng groi kông.