VOV4.Bahnar - “Lêh Sầu riêng ‘măng mă 2 sơnăm 2024” tơ̆ apŭng Krông Pach, dêh char Đắk Lắk đei pơgơ̆r đang ‘lơ̆ng hơiă. Lơ̆m tơdrong lêh đei hloi “Hop akŏm pơjing păng tưk tơiung trong jang sầu riêng kơjăp ‘lơ̆ng”. Hop akŏm sơng đei hlŏh 600 ‘nu bơngai tang măt đơ̆ng dôm anih tơm, anih jang kơpal kơ Trung ương, dôm bơngai tang măt đơ̆ng teh đak đe, dôm bơngai vei lăng, bơngai juăt jang, bơngai jang khoa hŏk, dôm anih tĕch mơdro sầu riêng lơ̆m teh đak păng tơ̆ teh đak đe.

VOV4.Bahnar - Hăm Tơdrong tơchơ̆t kơthơ ‘nao đei kĭ pơkăp, tơdra hơdrol tĕch mơdro sâu riêng pơkrot kơ Việt Nam lơ̆m sơnăm 2025 rŏ năng gô iok đei 300 triu dolar Mi.

VOV4.Bahnar – Đơ̆ng rŏng kơtơ̆ng đei hơbuh pơrang jĭ klak chroh nhŭng châu Phi tơ̆ minh unh hnam jang rong kon tơrong tơ̆ xah Ea Kao, Anih jang gah Hơmet jĭ kon tơrong pơlei tơm Buôn Ma Thuột, dêh char Đak Lăk hlôi jang atŭm hăm jơnŭm pơgơ̆r tơring tơlĕch dôm trong jang vă tang găn pơrang jĭ tơpoh lang să lơ̆m tơring.

VOV4.Bahnar - Tơdrong hơgăt tang găn kŏh phă bri đơ̆ng Jơnŭm châu Âu (EUDR) gô đei tơmât yoa lơ̆m khei 12/2024 hăm dôm anih jang xa tih păng đei tơmât yoa đơ̆ng ‘năr 30/06/2025 hăm dôm anih jang xa păh lăp păng iĕ. Dôm anih pơtruh tơmam, lơ̆m noh đei cheh phe gô tơjră hăm lơ tơdrong nol. Vă jang kiơ̆ ‘lơ̆ng tơdrong ‘nao âu, anih jang cheh phe Việt Nam pơma atŭm, Đắk Lắk pơma hơdrô̆ hlôi jang kiơ̆ tôch hrĕnh hăm trong jang tôch rơđăh. 

VOV4.Bahnar - ‘Năr 22/8, Anih vei lăng kon pơlei apŭng Krông Pach, dêh char Đắk Lắk pơgơ̆r hôp roi tơbăt găh Lêh Sầu riêng ‘măng mă 2 hăm hơnăn "Sầu riêng Krông Pach – Jang tŏk păng mât hơdai".

VOV4.Bahnar -  Mă đơ̆ng Hơnih jang pơgang vei lăng kon tơrong ‘măng blŭng hlôi sơkơ̆t hơdăh rơbou tŏ rơmo rong iŏk đak tŏh tơ̆ dêh char Lâm Đồng hlôi đei jĭ dêh păng kơ hrĕng tŏ lôch ‘noh kơ yuơ sơmach jĭ đei lơ̆m vaccine NAVET-LPVAC bơ̆ng jĭ pơ-‘ngeh hơkar kơ Công ty Navetco. Mă lei, tơdrong mă kon pơlei gô chang hloh ‘noh hrŭ ăn, tơdrong tơgŭm djru đơ̆ng Navetco gô lăng hơlen lơ liơ, mưh kon jên ming hơmet ăn rơmo oei hơnơ̆ng tŏk măt kiơ̆ khei ‘năr, roi năr roi iŏk pơgoh kon jên hu kơ rim ŭnh hnam rong mă lei găh rơmo lôch oei ưh kơ pơdơ̆h.

VOV4.Bahnar – Bến Tre jing minh lơ̆m dôm tơring tơ̆ tơring tơmăn đak krong Cửu Long rong rơmo tĕch ‘nhĕm hơtŏk pran hloh păng ‘lơ̆ng hloh. Mă lei kơyuơ kơjă tơjur dêh hnang, jang ưh đei yua lơ gah mŭk drăm noh kon pơlei pă đei tơguăt hăm tơdrong jang rong kon tơrong âu, phơ phŏ pơdơh kơ rong hloi.

VOV4.Bahnar - Kơsơ̆ 20/8, Anih vei lăng kon pơlei dêh char Lâm Đồng tơlĕch tơdrong tơchơ̆t pơjing khul jang tơgŭm hrŭ ‘mong hiong răm ăn rơmo iŏk đak toh jĭ păng lôch đơ̆ng rŏng kơ ƀet vaccine NAVET-LPVAC tang găn jĭ pơplei tơ̆ hơkar đơ̆ng Công ty Navetco.

VOV4.Bahnar - Tơdrong tơlĕch jên asong tŏk iŏk trŏ bơngai păng trŏ khei ‘năr đơ̆ng Anih mong jên choh jang xa păng atŏk tơiung tơring tơrang Bắc Đắk Lắk hlôi pơjing tơdrong ‘lơ̆ng ăn kon pơlei răt tơmam, phŏng vă choh jang xa trŏ pơyan. Tơdrong ‘nâu vang tơgop găn lê̆ tơdrong tŏk iŏk jên tơ̆ ‘ngoăih hăm jên kon tôch lơ hlôi đei khei ‘năr pơm tơtŏ đon tơ̆ jơ̆p tơring tơrang, tŭn lơ unh hnam huŏng lơ̆m tơdrong hre đom, pơmat tat.

VOV4.Bahnar - Đơ̆ng rŏng hlŏh 1 giĕng akŏm đĭ jơhngâm hơmet, kơsô̆ rơmo iŏk đak toh jĭ klak păng lôch tơ̆ dêh char Lâm Đồng đei ƀôh vă găn lê̆ bơih. Mă lei, tơdrong nol ‘nao đei dơ̆ng, ‘nŏh jĭ lơ rơmo ‘nao klăih jĭ tơtă đei jĭ hơkơ̆l dơ̆ng. Dôm unh hnam rong rơmo iŏk đak toh tơ̆ Lâm Đồng oei gô chang nơ̆r pơma đơ̆ng Anih tơm vei lăng choh jang xa păng atŏk tơiung tơring tơrang găh pơrang jĭ kŭm nhen tơdrong hrŭ ‘mong, vă kon pơlei đei tơdrong ‘lơ̆ng vă jang xa dơ̆ng. Mưh ƀôh kăl ‘nŏh athei đei trong dăr hơlen, pơm hơdăh mă ‘lơ̆ng hlŏh dơ̆ng.