Vă pơm hơtŏk bơ̆ jang gơh ăn kang ƀô̆ tơring, phương lơ̆m khei ‘năr gơh ƀơk ăn păng vei lăng mã kơsô̆ đei pơjao ăn tơring, Hơnih vei lăng Choh jang sa păng Cham char dêh char Đắk Lắk iung jang hơdoi hăm rim hơnih bơ̆ jang găh Hơnih tơm vei lăng Choh jang sa păng Cham char pơgơ̆r hop akom hŏk pơhrăm trong jang pơjing, ƀơk ăn păng vei lăng mã kơsô̆ tơring pơtăm, mã kơsô̆ hơnih tăh ‘nŭng kiơ̆ Tơdrong tơchơ̆t 36 đơ̆ng Khul kơdră Teh đak. Tơ̆ Hop akŏm, kang ƀô̆ rim tơring, phương kơ dêh char Đắk Lắk đei hŏk pơhrăm dôm tơdrong ‘nao kơ Tơdrong tơchơ̆t 36, trong sơng iŏk, lăng hơlen hô sơ trưk tuyên; bơ̆ jang lơ̆m phân mêm, dăr lăng hơlen groi teh păng dăr lăng tơring pơtăm đơ̆ng rŏng ƀơk ăn mã.

Mă kăl, Tơdrong tơchơ̆t ‘nao hlôi hŭt trong tơchơt găh hơgăt teh iĕ hloh, pơih să kĕ pơjing mã kơsô̆ hăm rim tơring pro teh jang sa pơtăm hrou. Yă Đặng Thị Thủy, Phŏ Kơdră chĕp kơ̆l pơgơ̆r Anih vei lăng Choh jang sa păng Cham char dêh char Đắk Lắk tơbăt, hloh đơ̆ng đei jang kiơ̆ kơsô̆ tơ̆ 72 tơring, phương tơdrong gơh jang kơ rim tơring oei tim mă lei lăi dih băl. Yua thoi noh, Đắk Lắk kăl đei dơ̆ng tơdrong tơgŭm đơ̆ng rim hơnih jang kơ Anih tơm vei lăng Choh jang sa păng Cham char.