Tơdrong bơ̆jang vă tơlĕch jang tơdrong Tơchơ̆t 36/2026/NQ-CP đơ̆ng Khŭl kơdră teh đak găh pơm ƀônh hla ar hăm mã kơsô̆ tơring pơtăm, mã kơsô̆ hơnih tah hơmet, pơyua ăn tĕch răt păng tĕch tơ̆ teh đak đe tơmam đơ̆ng choh jang sa đei. Tơ̆ Lâm Đồng, gui yuăn đei rơih iŏk vă pơhrăm tơdrong jang pơm tơlĕch sơđơ̆ng, lăp hăm tơplih tŏ ‘mi kial, tơklep hăm pơm hla ar, vei lăng, pơvei mã kơsô̆ tơring pơtăm păng tơchă băt tơm a anih pơm tơlĕch hăm dôm tơdrong đơ̆ng pơm tơlĕch truh tĕch mơdro. Tơdrong jang hơdai hăm pơtrŭt tơmơ̆t yua Trong jang pơm ‘lơ̆ng (SOP), ƀrư̆ ƀrư̆ pơm ‘lơ̆ng pơm tơlĕch kiơ̆ ‘meh vă đơ̆ng anih tĕch mơdro.

Lơ̆m tơdrong jang, bơngai hŏk năm lăng tơdrong jang pơtăm gui yuăn dang 8.000m² tơ̆ xăh Phú Sơn Lâm Hà, pơm tơlĕch kiơ̆ trong VietGAP, iŏk yua tơruih kơtoh, săy phŏng kơdih; hơdai hăm chă dăr lăng hnam kơmăy pơm tơlĕch tơmam đơ̆ng choh jang sa kŏng suơ̆t hloh 10.000 tấn 1 sơnăm. Kiơ̆ đơ̆ng pơtho păng lăng kơtă yan âu, Hơnih pơtrŭt choh jang sa Teh đak lăng truh hơnhăk mã kơsô̆ tơring pơtăm, tơchă băt tơm a anih pơm tơlĕch lơ̆m trong pơm tơlĕch, tơklep tơring tơmam hăm pơm tơlĕch, tĕch mơdro păng tĕch tơ̆ teh đak đe, hơtŏk jơhngơ̆m pơjei đơ̆ng tơmam đơ̆ng choh jang sa Việt Nam.