Hop akŏm sơng đei vă jê̆ 400 ‘nu bơnai tang măt ‘noh ŭnh hnam jang chŭn mir, hơp tak xăh, anih mơdro sa kŭm hăm tang măt lơ anih jang vang truh akŏm. Hăm tơdrong tơm pơih să anih tĕch mơdro păng hơtŏk lơ kơjă tơmam đơ̆ng choh jang sa tơring, hop akŏm sơnăm ‘nâu đei tơdrong vang akŏm đơ̆ng lơ anih tĕch mơdro tih nhen Bách hóa Xanh, Central Retail - GO!, Proton păng Vinanutrifood Bình Định.

Vă jê̆ 40 tơmam đơ̆ng choh jang sa tơm, tơmam OCOP iŏk đei pơkăp ‘lơ̆ng kŭm hăm lơ tơmam ‘lơ̆ng kơ tơring đei roi tơƀôh truh dôm khŭl jang hơdai, anih mơdro sa tĕch mơdro. Kŭm hăm tơgoăt hơdai tĕch - răt, dôm pang vang pơma dơnuh găh dôm tơdrong kăl đei hloi nhen pơkăp ‘lơ̆ng kơsô̆ tơring pơtăm, hơgăt ‘lơ̆ng pơm tơlĕch rơgoh, kŭm hăm dôm trong jang hơnhăk tơmam đơ̆ng choh jang sa Gia Lai vang jang jrŭ hloh lơ̆m tơdrong tĕch le ‘nao.