VOV.Bahnar – Lơ̆m dôm năr ou, Đà Lạt, Lâm Đồng tŏk bŏk hăt hot lơ̆m dôm tơdrong akŏm kơ Lêh Mŭk drăm kaphê lơ̆m kơpal teh, lêh akŏm trong kơphô̆... 'Nou jĭ dôm tơdrong jang lơ̆m pơkăp Lêh akŏm Chĭng chêng Đông Nam Á 2025, tơdrong akŏm joh ayŏ tơmang pơhiơ̆ kăp gĭt ah hơtuch sơnăm 2025 păng sơng sơnăm 'nao 2026.

VOV.Bahnar - Lơ nơ̆r tơgop akhan bơngai jang joh ayŏ kơdŏ soang găh hơdrĕch kon kông oei ưh kơ măh, trong jang tơgŭm tam mă tơ găl, tơdrong jang roi tơbăt ƀơ̆t lăp oei ưh kơ tôm.

VOV.Bahnar - Hăm hơnăn “Jơva tơmam drăm kăp gĭt so - Tơklep hơdai tơ̆ hơnăp kơn”, âu ki, tơ̆ Đà Lạt hlôi pơgơ̆r Kơmăng pơlong Tôn chĭng chêng  Đông Nam Á sơnăm 2025 hăm tơdrong vang akŏm đơ̆ng hloh 500 ‘nu ngê̆ nhân lơ̆m păng ‘ngoăih teh đak. Tơdrong jang âu bơ̆jang kiơ̆ nơ̆r pơkăp đơ̆ng dêh char Lâm Đồng ƀơ̆t vang mơ̆t lơ̆m tơdrong jang dôm pơlei tơm pơcheh hơgei lơ̆m tơdrong jang Joh ayŏ kơ UNESCO. 

VOV.Bahnar - Lơ̆m ‘măng pơgơ̆r Pơm lêh Tôn chĭng chêng Đông Nam Á 2025, gơmăng 21/12 tơ̆ Đà Lạt (Lâm Đồng) hlôi pơgơ̆r blŭng a Pơm lêh Mŭk dră,m chehphe lơ̆m plei teh 2025 ‘măng mă blŭng.

VOV.Bahnar - Gơmăng ‘năr 21/12, Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng dêh char Đắk Lắk pơm lêh pơtôch tơdrong thi tôn chĭng chêng păng tơmam tôn reh kơ hơdrĕch kon kông dêh char Đắk Lắk sơnăm 2025, pơtôch năr jŏh ayŏ kơ dŏ xoang tih kơ dôm hơdrĕch hơdrung tơ̆ dêh char.

VOV.Bahnar – Hăm mir ƀa jơk ƀlik kơ tơring Biển Hồ, dêh char Gia Lai, kră pơlei Hmrik đơ̆ng đunh hlôi jing hơnih gơnơm gah đon bơnôh hăm kon pơlei Jarai tơ̆ pơlei Ia Nueng. Hloh 20 sơnăm pơm kră pơlei, ƀok Hmrik nhen “dơhnit unh tơnŏ” lơ̆m tơdrong hơrih kon pơlei – bơngai vei răk khôi juăt so, bơngai pơ-'lơ̆ng tơdrong pơjah pơjăng băl, bơngai tơ̆k hơdah đon lui păng jơhngơ̆m pran ăn kon pơlei hơdrin jang xa, pơjing tơdrong hơrih 'nao.

VOV.Bahnar - Lơ̆m tơdrong hơrih 'nao, ah mă lơ tơdrong joh ayŏ juăt jue tŏk bŏk jê̆ hiơt hiong, dêh char Gia Lai hơdrin vei răk tơƀăk mong dôm khôi juăt kră sơ̆ kơ kon pơlei kon kông. Đơ̆ng et soi kơ yang hri, et soi apinh đak 'mi Yang Pơtao Apui truh tơ̆ lơ tơdrong et xa tơguăt hăm tơdrong lui, dôm khôi juăt grasia noh tŏk bŏk đei “tơ-iung”, jing tơdrong tơm vă rong răk joh ayŏ kon pơlei kon kông tơ̆ tơring lơ̆m tơdrong hơrih 'nao hrei ou.

VOV.Bahnar - Tŏk bŏk tơdrong hơrih sa ‘nao, tơ̆ Gia Lai, lơ bơngai mơlôh tŏk bŏk chĕp vei păng tơiung tơdrong hơrih ‘nao ăn joh ayŏ joăt joe. Đơ̆ng chĭng chêng re jơva lơ̆m dôm năr et xa, dôm khŭl tôn chĭng chêng mơlôh lui ngeh yak lĕch tơ̆ hơnih tơpôl, truh tơdrong jang tơmang lăng lơ̆m tơpôl iŏk joh ayŏ pơm tơdrong ‘lơ̆ng, đe sư tŏk bŏk pơm gơng tơƀưh hơdai tơdrong joăt so đơ̆ng yă ƀok hăm tơdrong hơrih sa hrei ‘nâu.

VOV.Bahnar – 'Năr brei (18/12), tơ̆ dêh char Lạng Sơn, Khul pơm jang kơ Hơnih jang Joh ayŏ, Tơplŏng kơdou păng Tơmang pơhiơ̆ dêh char Đăk Lăk pơm jang hăm Hơnih jang Joh ayŏ, Tơplŏng kơdou păng Tơmang pơhiơ̆ dêh char Lạng Sơn vă pơma đam gah tơdrong hlôh vao lơ̆m tơdrong jang vei lăng teh đak păng hơtŏk tơmang pơhiơ̆ pơlei pơla kiơ̆ pơkăp sơđơ̆ng kơjăp.

VOV.Bahnar - Ƀơ̆t tŏk bŏk trong jang tŏk păng tơplih hăm kơmăy kơsô̆ oei păr ang truh tơ̆ jơ̆p pơlei pơla groi kông, dôm kơjă kăp gĭt đơ̆ng tơdrong joăt ‘lơ̆ng kơ kon pơlei kon kông Tây Nguyên ưh đei hŭt hơchăng lê̆ tơ̆ rŏng. Tơ plơ̆ kơ ‘noh, gơnang đơ̆ng đon rơgei păng jang tơnăp đơ̆ng bơngai oei mơlôh hơdrĕch kon kông, dôm jơva chĭng chêng, tơdrong tanh brai, tanh kơđum kơđŏng dăh mă tơdrong arih sa ‘lơ̆ng hơiă thoi sơ̆ “tŏk bŏk đei tưk tơiung” kiơ̆ trong jang tôch hơiă đơ̆ng iŏk yoa kơmăy ksô̆, păr ang jơ̆p lơ̆m tơpôl.