VOV4.Bahnar - Tơ̆ anih kơjung hlŏh 1.000m pơting hăm đak dơsĭ, Anih pơih hơyuh Rapor kơ Anih Radio pơdăh um rup dêh char Gia Lai oei krao ‘nŏh Anih pơih hơyuh Rapor Hàm Rồng pơm kơpal kông Hàm Rồng (xăh Chư Hơdrông, plt Pleiku, dêh char Gia Lai) jĭ anih kơjung hlŏh kơ plt Pleiku. Anih âu lăp đei 4 ‘nu bơngai jang ki thuơ̆t, rim năr bơ̆ jang vei lăng ‘lơ̆ng hơyuh rapor pơre nơ̆r, pơdăh um rup truh hăm bơngai mơ̆ng lăng.

VOV4.Bahnar – Et soi jơhngơ̆m jăn jing minh khôi juăt, pơm gru kơnăl đei jơnei păng jing tơdrong kăp gĭt lơ̆m jơhnơr hơrih kơ rim bơngai drănglo Ê Đê. Khôi et soi âu adoi tơƀôh đon bơnôh kŭp yom, tơrĕk đơ̆ng kon sau, ‘nhŏng oh lơ̆m unh hnam hăm bơngai ‘lŏ sơnăm.

VOV4.Bahnar - Hăm drŏ kăn bơngai Dao Thanh Phán tơ̆ xăh Yên Than, apŭng Tiên Yên, dêh char Quảng Ninh, mưh tơdrong jang chŭn mir rơhơi ‘nŏh jrŭm hăm brai thêu hơnơ̆ng đei hơdai hăm đe sư. Lơ pơkao ding dông kiơ̆ tơdrong juăt so sơ̆ đei chĕp vei ăn rim jơhnơr kiơ̆ đơ̆ng tơpang ti gơ̆h hơgei đơ̆ng đe drŏ kăn bơngai Dao Thanh Phán.

VOV4.Bahnar- ‘Năr 18/6, Khŭl drŏ kăn hơgei dêh char Đắk Lắk pơgơ̆r Hop akŏm “Hơnăp jang đơ̆ng drŏ kăn hơgei lơ̆m chĕp vei păng tơƀăk mong tơdrong joăt so kon kông lơ̆m tơdrong jang pơjing dêh char Đắk Lắk pơdrŏng ‘lơ̆ng, hơgei”.

VOV4.Bahnar - Hăm bơngai Bahnar, tơdrong juăt et pơm ‘nhŏng oh (tơmơ̆m pô̆ ƀăn, tơpôk ƀă kon) đei lăng ‘noh jĭ tơ lei tơguăt tơdrong ‘mêm kơ eng, đơ̆ng dôm bơngai ưh kơ juăt jing ‘nhŏng oh kơdih lơ̆m ŭnh hnam, ling lang ‘mêm, tơgŭm băl lơ̆m tơdrong arih sa.... Et pơm ‘nhŏng oh đei pơgơ̆r kiơ̆ đơ̆ng kơdih, tôch kơ ‘lơ̆ng hơiă, ‘meh vă rim bơngai arih xa hơdai, ‘mêm kơ eng, tơgŭm băl.

VOV4.Bahnar – Dang lơ̆m khei 3, khei 4 rim sơnăm, ah pơyan phang Tây Nguyên yak ah khei tơm, noh kon pơlei kon kông tơ̆ tơring Tây Nguyên pơgơ̆r Et soi apinh đak ‘mi. ‘Nâu jing khôi et xa kăp gĭt apinh vă kơ ‘mi kial gơh sơđơ̆ng ‘lơ̆ng, pơlei pơla phĭ tơtŏ dơnŏ ‘lơ̆ng.

VOV4.Bahnar - Bơngai tăh hla hơpơi ‘mĕh, anih jŏh ayŏ kơ dŏ xoang pơjing tơdrong ‘lơ̆ng, trong tơgŭm mă lăp vă tưk tơiung tơdrong joh ayŏ kơ dŏ xoang kơ hơdrech kon kông, atŏk tơiung tơdrong chă tơmang lăng păng pơm hơtŏk tơdrong arih xa ăn kon pơlei.

VOV4.Bahnar - Drung kơsơ năr 3/6, tơ̆ pơlei tơm Buôn Ma Thuột, dêh char Dak Lăk hlôi pơgơ̆r ‘măng tơƀơ̆p pơtrut tơmang pơhiơ̆ ƀar păh dêh char Dak Lăk hăm ƀang Kerala (Ấn Độ).

VOV4.Bahnar - Đơ̆ng sơ̆ bơih, bơngai Bahnar ưh kơ joăt sir đak koai vă iŏk đak. Kon pơlei jei ưh kơ chă sŏ nhă kư̆ kă đơ̆ng đak kroong hơboong thoong đak, mă lei kon pơlei năm tơchă iŏk đak đơ̆ng kông pơro ăn, dăh mă sir bơ̆ tu đak pơm đak Tơnglang. Rim sơnăm rim pơlei pơla bơngai Bahnar jei pơgơ̆r Et ming đak -mĭnh tơdrong pơgơ̆r ưh khan lăp soi tơbeh ăn kơyang mă lei oei tơbăt ăn nơ̆r krao hơvơn rim răih kon pơlei pơla vang vei lăng năng tông cham char, vei lăng tu đak rơgoh ‘lơ̆ng, ‘noh jĭ vei lăng kơdih bơ̆n pran jăng grăng akau.

VOV4.Bahnar - Kon pơlei rim hơdrung oei tơ̆ Tây Nguyên đei lơ tơdrong joh ayŏ kơdŏ soang, tơmam tôn reh phara dih băl. Tơdrong hơrih kơ kon pơlei tơklep kơjăp hăm bri kông kơna đĭ đăng tơmam tôn reh kơ kon pơlei Tây Nguyên pơma atŭm, bơngai Xơdang pơma hơdrô̆, jei đei pơm tơlĕch đơ̆ng ‘long lơ̆m bri, mă kăl ‘noh pơ o kram.