VOV.Bahnar - Jơ ‘năr pơgơ̆r Yôk Ƀok tơm dơnơm Hùng Vương, jơ ‘năr pơdơ̆h lêh 30/4 păng pơyan tŏ ‘mi 2026, tơmang pơhiơ̆ Lâm Đồng tơlĕch lơ tơdrong pơgơ̆r hơ iă tơƀưh dih băl bri hăm đak dơsĭ. Mă đơ̆ng Cham gre păr Liên Khương tang ‘măng, dêh char oei iung jang ‘lơ̆ng atŏk kơtang tour trong teh, hơmŏ sơng hơvơn tơmoi lơ hloh gơnơm đei groi teh ‘lơ̆ng rŏ.

VOV.Bahnar - Dôm tơdrong jang kăp gĭt, grasia kơ kon pơlei Việt Nam lơ̆m jơ̆p teh đak păng apŭng plenh teh tơrĕk truh tơm a la chă kơ kon pơlei, hơdah noh Soi ƀlŏk kơ Ƀok Dơnơm Hùng Vương đei pơgơ̆r tơ̆ dêh char Phú Thọ

VOV.Bahnar - Soi ƀlŏk kơ Ƀok Dơnơm Hùng Vương sơnăm Bính Ngọ 2026 jĭ tơdrong akŏm chinh trĭ - joh ayŏ kăp gĭt hăm jơ̆p teh đak, mă kăl đơ̆ng rŏng kơ tơmơ̆t hơdai hơnih jang hanh chĭnh păng pơm jang kiơ̆ jơnŭm pơgơ̆r tơring 2 tăl. Lơ̆m khei năr ou, atŭm hăm jơ̆p teh đak, tơ̆ Tây Nguyên pơgơ̆r lơ tơdrong akŏm joh ayŏ hăt hot, tơƀôh hơdah tơdrong tơguăt tơguăl, khŏm mă pơjing pơlei pơla teh đak pơdrŏng kơtang.

VOV.Bahnar - Nơ̆r pơđơ̆k juăt jue: “Mă năm tơ̆ ou tơ̆ to, Hơdơ̆r năr Soi ƀlŏk kơ Ƀok Dơnơm năr 10 khei 3” ưh hơdrô̆ jing nơ̆r tơbăt kơ khei năr kăp gĭt, mă oei jing nơ̆r krao hơvơn kăp gĭt hăm kon pơlei pơla. Tơdrong lui soi ƀlŏk kơ Ƀok Pơtao Hùng hlôi păng tŏk bŏk jing djoi tơlei chô̆ kơjăp, pơjing jơhngơ̆m pran tơguăt tơguăl tôm kon pơlei Việt lơ̆m jơ̆p plei teh

VOV.Bahnar - Lơ̆m 2 năr hơtuch giĕng ou (25 păng 26/4) tơ̆ Gia Lai pơgơ̆r lơ tơdrong akŏm joh ayŏ kăp gĭt. 'Noh jing Năr akŏm Joh ayŏ kon pơlei kon kông dêh char Gia Lai 'măng mă mônh đei pơgơ̆r tơ̆ Cham să Đại Đoàn Kết, phương Pleiku. Atŭm khei năr noh, tơ̆ Hơnih gru gra kơ jơhnơr hơrih – joh ayŏ teh đak Plei Ơi, xah Chư A Thai pơgơ̆r Et soi apinh đak 'mi kơ Yang Pơtao Unh. 'Nou ưh hơdrô̆ tơdrong akŏm joh ayŏ - tơmang pơhiơ̆ ƀônh ƀŏ, mă akŏm đei lơ tơdrong kăp gĭt gah tơdrong hơrih kon pơlei pơla păng hơtŏk tơ-iung kơjăp.

VOV.Bahnar -  Kơkuh chơt hơiă Năr Kơsâp hla ar păng Tơdrong joăt đŏk hla ar Việt Nam 21/4, Năr Kơsâp hla ar păng Tơdrong hơdrô̆ kơdih Apŭng plĕnh teh 23/4, Khŭl Joh ayŏ kơdŏ soang dêh char Đắk Lắk jang hơdai hăm Anih vei lăng kon pơlei phường Phú Yên, Anih ‘măn răk tơmam drăm so Đắk Lắk, Thư viện dêh char păng Hnam trưng hŏk jăl 2 Trần Hưng Đạo pơgơ̆r tơdrong jang Năr Kơsâp hla ar păng Tơdrong joăt đŏk hla ar sơnăm 2026 hăm hơnăn “Kơsâp hla ar păng Tơdrong hơpơi ‘meh yak tŏk”.

VOV.Bahnar -  Tơ̆ Anih ‘măn răk Apŭng plĕnh teh Cheh phe, dêh char Đắk Lắk jang hơdai hăm Anih pơvih ăn UNESCO tơ̆ Việt Nam păng dôm khŭl jang hơdai pơgơ̆r Hop akŏm Tơmam cheh phe Apŭng plĕnh teh hăm hơnăn “Đơ̆ng dôm tơdrong joăt joe lơ truh tơmam hơrih hơdai kơ kon bơngai”.

VOV.Bahnar – Tơ̆ phường Buôn Ma Thuột, kơdră chĕp kơ̆l Anih vei lăng kon pơlei dêh char Đắk Lắk sơng păng bơ̆ jang hăm khul jang đơ̆ng UNESCO păng FAO yoa ƀok Jonathan Wallace Baker, Kơdră tang măt ăn UNESCO tơ̆ Việt Nam păng ƀok Vinod Ahuja, Kơdră tang măt ăn FAO tơ̆ Việt Nam chĕp kơ̆l, ƀlep ƀât vang truh Hop akŏm Tơmam kăp gĭt Cheh phe apŭng plenh teh pơgơ̆r tơ̆ Đắk Lắk.

VOV.Bahnar – Ngê̆ nhơ̆n Y Quân Mjâo (đe oei krao noh Ơi Khely), oei tơ̆ pơlei A2, xah Ea Sup, dêh char Đăk Lăk jing bơngai lăp kơ tơdrong hơri brông Jarai. Dôm ƀai hơri yuơ ƀok hơri nhen minh tơdrong akŏm joh ayŏ kră sơ̆, hơƀăp 'lơ̆ng. Rim tơdra ưh hơdrô̆ tơroi gah đon hưch, gah tơdrong jang xa, mă oei hơnhăk hloi tơdrong joh ayŏ kơ pơlei pơla kiơ̆ sơnăm yăm kơ khei.

VOV.Bahnar – Lơ̆m tơring bri kông Trường Sơn, lơ̆m dôm năr tŏk bŏk kơ khei Puăn, kơ rơbou bơngai đơ̆ng rim pơlei pơla tơjê̆ sơlam teh apŭng Kà Lừm, dêh char Sê Kông (Lào) rơ-ông rơ-ang yak jơ̆ng năm truh xah Hùng Sơn, pơlei tơm Đà Nẵng vă sơng Têt Bunpimay. Năr Têt juăt jue kră sơ̆ kơ teh đak buăl jing ‘măng vă kon pơlei 2 pah sơlam teh tơƀơ̆p, pơchơt, hơtŏk tơdrong tơguăt tơguăl nhen ‘nhŏng oh pôm hnam.