VOV4.Bahnar – Pơgê năr 19/9, tơ̆ Anih Grua grua kơ Jơhnơr hơrih kơ teh đak Đình Lạc Giao, pơlei tơm Buôn Ma Thuột, dêh char Đak Lăk pơgơ̆r tơdrong soi apính ơnếp ơnua pơyan hla ruih Giáp Thìn, apinh ăn ‘mi kial đak hơbông dah tenh och, kon pơlei sơđơ̆ng tơdrong hơrih.

VOV4.Bahnar - ‘Nâu jĭ tơdrong tơm đei roi tơbăt hơdăh tơ̆ hop akŏm roi tơbăt pơtôch sir iŏk tơmam drăm kră sơ̆ Thác Hai ‘măng mă 3 yua đơ̆ng Anih ‘măn răk tơmam drăm so Đắk Lắk pơgơ̆r kơsơ̆ (13/9).

VOV4.Bahnar – Tơ̆ pơlei tơm Đà Lạt, dêh char Lâm Đồng hlôi pơdah um "La kak tơmang pơhiơ̆ joh ayŏ Đà Lạt”. ‘Nâu jing minh lơ̆m 3 tơdrong tơlĕch jang kơ tơring vă hơtŏk sơnong jang joh ayŏ, pơm kiơ̆ dôm tơdrong hlôi đei kĭ pơkăp ah mơ̆t jang hadoi hăm dôm pơlei tơm gơh hơgei kơ UNESCO.

VOV4.Bahnar – Lơ̆m 4 năr pơdơh lêh Kuôk khanh sơnăm âu, kơsô̆ tơmoi truh tơmang tơ̆ Đak Lăk tŏk lơ, tŏk hloh 3 ‘măng pơtêng hăm khei năra au sơnăm 2023.

VOV4.Bahnar – Pơlong joh ayŏ chĭng chêng dêh char Đak Lăk ‘măng mă 3, sơnăm 2024 đei pơgơ̆r đơ̆ng năr 31/8 - 1/9, trŏ ăh pơdơh Lêh Kuôk khanh năr (2/9). Hrơ hrau hăm tơdrong sô̆ Têt đei jơnei rơngei kơ teh đak, tơdrong pơlong roi rơ-ông rơ-ang hloh hăm lơ ƀai chêng păng dôm khôi juăt kơ dôm hơdrung bơngai kon kông tơ̆ Tây Nguyên.

VOV4.Bahnar – Lơ̆m tơpôl 54 hơdrung bơngai kon kông Việt Nam, kon pơlei Mạ jing bơngai kon kông hăm pơhlom hloh 40 rơbâu măt bơngai, hơrih jang xa tơ̆ 34 dêh char pơlei tơm lơ̆m jơ̆p teh đak, chŏng mă lơ noh oei hơrih jang xa tơ̆ dêh char Lâm Đồng, Đồng Nai. Đơ̆ng kră sơ̆, bơngai Mạ hơrih mă tơm noh jang mir ƀa, kơyuơ noh kon pơlei vei răk đei lơ khôi juăt đon lui joh ayŏ kăp gĭt ăn hơdrung hơdrĕch kon kông kơdih po.

VOV4.Bahnar - ‘Năr 29/8, tơ̆ Anih gre treng Đà Lạt, plt Đà Lạt, dêh char Lâm Đồng roi tơbăt "La-kak chă tơmang lăng jŏh ayŏ kơ dŏ xoang Đà Lạt”.

VOV4.Bahnar – Ngê̆ nhơ̆n Mlop – Kơdră HTX Choh jang xa păng Tanh brai G’Lar, apŭng Đak Đoa, dêh char Gia Lai jing bơngai lăp kơ tơdrong tanh brai đơ̆ng oei ‘lơ̆p. Hăm tơpang ti gơh hơgei, yă tanh đei lơ tơmam tanh nhen: khăn, hơbăn văr, ao drŏnglo drăkăn, kơdŭng... đei dok ‘lơ̆ng păng đei lơ bơngai lơ̆m păng ‘nguaih kơ dêh char chă răt. Tơdrong lăp hăm tanh brai, noh duch Mlop hlôi pơtho tơdrong tanh brai ăn kơ rơbâu drăkăn Bahnar.

VOV4.Bahnar – Tơdra hơri kră sơ̆ kơ kon pơlei K’Ho nh lang lap păng hơnơ̆ng đei pơdah lơ̆m tơdrong akŏm sô̆. Lơ̆m dôm brŏ juăt jue kơ bơngai K’Ho ưh gơh kơƀah hơmrŭk chĭng chêng 6 tŏ, đing hlôm Kơmbuat, chĭng kram Kơrla, hơgơ̆r... Dôm tơmam pơre tơdra âu gơh hrau atŭm hăm nơ̆r hơri dah mă pơre nơ̆r hơdrô̆.

VOV4.Bahnar – Năr 22/8, Tĭnh uy Lâm Đồng pơgơ̆r hop akŏm sơkơ̆t 10 sơnăm pơm kiơ̆ Tơchơ̆t 33 đơ̆ng Ƀan Châ̆p hanh Trung ương Đảng gah pơjing păng hơtŏk joh ayŏ, kon bơngai Việt Nam pơtrŏ hăm hơtŏk tơ-iung kơjăp sơđơ̆ng kơ teh đak