VOV.Bahnar – Lơ̆m tơdrong hơrih 'nao hrei ou, lơ tơdrong joha yŏ juăt jue oei ƀơm hiơt hiong. Chŏng mă tơ̆ pơlei Hai, xah Cư Mta, dêh char Đăk Lăk, dôm tơdrong 'lơ̆ng kơ joh ayŏ kon pơlei Êđê adoi oei đei kon pơlei vei răk tơƀăk mong kiơ̆ đơ̆ng lơ chăl bơngai. Đơ̆ng jơva chĭng chêng, dôm khôi juăt kră sơ̆ truh tơdrong vei răk tơƀăk mong joh ayŏ lơ̆m rim unh hnam hlôi tơgop pơjing tơdrong 'lơ̆ng kơ joh ayŏ kon kông tơ̆ ou.

VOV.Bahnar – Dôm lăm pơhrăm gah chĭng chêng tơ̆ Đăk Lăk ưh hơdrô̆ tơgop tơ-iung đon lăp kơ joh ayŏ juăt jue lơ̆m khŭl sơnăm mơlôh mă oei jing trong vă tơring jang hơdah hloh Tơchơ̆t 80 đơ̆ng Trung ương. Ah mă tơchơ̆t đei tơmơ̆t truh rim pơlei pơla, mŭk drăm ưh hơdrô̆ đei vei răk mă pơtoi đei pơdjoi lơ̆m tơpôl kon pơlei.

VOV.Bahnar - Atŭm hăm tơdrong chơt hơ-iă kơ Sơnăm tơmang pơhiơ̆ kơ teh đak tơ̆ Gia Lai 2026, đơ̆ng năr 7 truh năr 9/8, Hơnih jang vei lăng kon pơlei xah Phú Túc, dêh char Gia Lai pơgơ̆r Năr akŏm Joh ayŏ - Tơplŏng kơdou hơdrung kon kông 'măng mă 1 tơguăt hăm Akŏm kơchơ tơmam drăm OCOP. Tơdrong jang kăp gĭt, 'lơ̆ng hơ-iă, tơƀôh hơdah tơdrong hơrih joh ayŏ kơ kon pơlei kon kông tơ̆ tơring ou.

VOV.Bahnar - Lêh sơng pơhngol Yang ka Ông Sanh – tơdrong soi gĭt kăl lơ̆m Lêh soi kơ Yang ka đơ̆ng kon pơlei jang ka phường Phan Thiết sơnăm 2026 – đei pơgơ̆r ‘lơ̆ng hơiă tơ̆ đak dơsĭ, đak krong Cà Ty păng dôm jăl trong ƀât tŏk bŏk phường Phan Thiết, dêh char Lâm Đồng. Lêh ưh lăp pơtruh tơdrong hơpơi ‘mĕh hăm dôm ‘măng năm yâu ka hiôk sơđơ̆ng, đei ka lơ đĕch mă oei vang tơgop vei kơjăp tơdrong juăt ‘lơ̆ng đơ̆ng tơpôl kon pơlei jang ka tơ̆ tơring tơter đak dơsĭ dơ̆ng.

VOV.Bahnar – Hăm hơnăn “Vei răk tơƀăk mong joh ayŏ đak dơsĭ - Apinh ăn kon pơlei sơđơ̆ng – Kon pơlei jang ka gơh đei jơnei 'lơ̆ng”, Et soi kơ Yang ka kơ dôm pơlei jang ka phương Phan Thiết sơnăm 2026 hlôi đei pơgơ̆r tơ̆ chơnang pơdah ah trong Phạm Văn Đồng, phương Phan Thiết, dêh char Lâm Đồng.

VOV.Bahnar - Đơ̆ng rŏng kơ tơmơ̆t hơdai, tơdrong mă Lâm Đồng iŏk đei ‘nŏh ưh lăp jing mĭnh anih tơmang lăng xă ƀiơ̆ đĕch. Mă tơdrong kăl hloh jĭ mĭnh tơdrong ‘lơ̆ng hui đei vă hơmet ming đon tơchĕng jang tŏk. Ưh pă jing tơdrong tơroi kơ pêng tơring pha ra băl bơih. Ưh pă jing pêng hơnăn dơ̆ng jê̆ băl bơih. Mă sư pơjing đei mĭnh trong jang, mĭnh anih truh, mĭnh hơnăn hơdai. 'Noh kŭm jing tơdrong mă lơ anih tơmang lăng tŏk bŏk tơlĕch jang.

VOV.Bahnar - 'Măng mă blŭng phương Buôn Ma Thuột, dêh char Đăk Lăk jang hơdoi pơtho joh ayŏ juăt jue hăm pơtho tơdrong jang tơmang pơhiơ̆ kơtă tơ̆ pơlei pơla, yak truh pơjing khul jang sơnăm mơlôh vă vei răk tơdrong joh ayŏ ÊĐê, vă vang jang hơtŏk tơmang pơhiơ̆ pơlei pơla.

VOV.Bahnar - Gơmăng ‘năr 3/8, tơ̆ cham xă Nguyễn Tất Thành, phường Quy Nhơn, dêh char Gia Lai pơgơ̆r lêh pơih blŭng ăn Tơdrong pơlong apŭng plenh teh Byoh so Việt Nam ‘măng mă IX - Gia Lai 2026.

VOV.Bahnar – Tơ̆ xah Nâm Nung, dêh char Lâm Đồng, bơngai M'nông tŏk bŏk oei vei răk tơƀăk mong joh ayŏ juăt jue hơtŏk jing trong jang tơmang pơhiơ̆ pơlei pơla. Truh tơ̆ Yôk Nâm Nung hrei ou, tơmoi ưh hơdrô̆ hơlen lăng cham char 'lơ̆ng rŏ mă oei hơlen băt gah tơdrong hơrih, khôi juăt păng tơdrong joh ayŏ kăp gĭt kơ kon pơlei.

VOV.Bahnar – Yơ̆ng ou ki, tơ̆ Hơnih Pơdah Tơmam so Đăk Lăk, Hơnih jang Joh ayŏ - Tơmang pơhiơ̆ dêh char Đăk Lăk pơgơ̆r tơdrong pơdah Joh ayŏ Chĭng chêng ăn kon pơlei păng tơmoi tơmang lăng ('măng 7) hăm hơnăn “Jơva năr unh om”. KIơ̆ tơlĕch jang, tơdrong ou gô đei pơgơ̆r rim khei. Tơ̆ ou rim khei hơnih jang joh ayŏ gô pơdah minh khôi juăt so kơ kon pơlei kon kông lơ̆m tơring, tơgop vei răk tơƀăk mong mŭk drăm joh ayŏ păng pơjing đei lơ tơmam drăm tơmang pơhiơ̆ ăn tơmoi.