VOV4.bahnar – Sơkơ̆t hơdah tơmang pơhiơ̆ cham char, joh ayŏ jing tơdrong pran, dêh char Đak Lăk hlôi păng tŏk bŏk đei lơ trong jang vă hơtŏk jang tơmang pơhiơ̆ tơ̆ tơring. Kiơ̆ kơ noh, vei sơđơ̆ng tơdrong hơtŏk hloh 15% minh sơnăm. Pơm hơđah gah tơdrong âu, tơdrong tơroi ‘năr âu đei pơma dơnuh hăm yă Nguyễn Thụy Phương Hiếu, Phŏ Kơdră Anih Joh ayŏ, Tơplŏng kơdâu păng Tơmang pơhiơ̆ Đak Lăk.

VOV4.Bahnar - Ƀlep lơ̆m năr tơbăt 70 sơnăm Năr Rơngei Hơnih tơm (10/10/1954 – 10/10/2024) păng 25 sơnăm Hà Nội đei UNESCO pôk ăn hơnăn “Pơlei tơm kơ yuơ rơngei hiôk hian” (16/7/1999 – 16/7/2024), Hơnih vei lăng kon pơlei kơ pơlei tơm Hà Nội pơgơ̆r tơdrong pơgơ̆r “Năr lêh Tơdrong joăt ‘lơ̆ng kơ yuơ Rơngei hiôk hian” tơ̆ bro Hồ Hoàn Kiếm - tơbăt ăn tơdrong oei sa joh ayŏ gĭt kăl dăr sơnăm kơ Hơnih tơm. Tơdrong pơgơ̆r ou jing jơ ‘năr pôk pơ ư tơdrong joăt joe ‘lơ̆ng rŏ Hà Nội, hơdoi tơƀôh tơbăt um rup Hơnih tơm hưch hanh hơmanh bơnê rơngei hiôk hian truh hăm đĭ đăng kon pơlei păng bôl boăl teh đak đe.

VOV4.Bahnar - Kơsơ̆ 9/10, tơ̆ Hà Nội, Hla ar tơroi Kon pơlei pơgơ̆r Lêh Pơdă tơƀôh Jrăng hla kơ Hà Nội păng roi tơƀôh dôm tơmam gĭt kăl ƀlep ƀơ̆t tơbăt 70 sơnăm Năr Rơngei Anih tơm (10/10).

VOV4.Bahnar – Minh ‘nu drăkăn bơngai Ê Đê pă kĕ pơm jang bơih, gơh chă jên hơtŏk iŏk yua ăn tơdrong hơrih păng rong ‘me kon hơven. Yă H’Rưm H’mok tơ̆ pơlei Hra Ea Hning, xah Dray B’hăng, apŭng Cư Kuin, Đak Lăk hlôi kơdih po hơmet dơ̆ng tơdrong jang tanh brai juăt jue kơ bơngai Ê Đê. Hloh 4 sơnăm kơ âu, ưh hơdrô̆ pơjing đei tơdrong pơyua sơđơ̆ng, mă yă H’Rưm H’mok oei tơgŭm lơ pơmai oh drăkăn lơ̆m pơlei đei tơdrong jang iŏk yua sơđơ̆ng.

VOV4.Bahnar – Pơgê năr 3/10, Anih jang Joh ayŏ Tơplŏng kơdâu păng Tơmang pơhiơ̆ Đak Nông jang atŭm hăm Kâu lak ƀô̆ gre kơdâu kiơ̆ trong kông krang Sài Gòn pơgơ̆r tơdrong pơlong vơ̆r gre lơ̆m bri.

VOV4.Bahnar - Trung ương Khŭl vei lăng drŏ kăn Việt Nam jang hơdai hăm Anih tơm vei lăng pơtho pơhrăm pơgơ̆r pơma dơnuh, roi tơƀôh pơcheh hơgei tơroi tơbăt hơtŏk ‘lơ̆ng đon hlôh vao găh hơtŏ băl đơ̆ng nglo hăm drŏ kăn ăn hơdruh tơdăm kon kông.

VOV4.Bahnar – Pơgê năr 1/10, Anih jang vei lăng kon pơlei dêh char Đak Lăk pơgơ̆r Lêh pơtơm tơdrong jang “Đak Lăk pơlong pơjing tơpôl hŏk pơhrăm, hơtŏk pran tơdrong hŏk pơhrăm đĭ jơhnơr hơrih đơ̆ng sơnăm 2023-2030” păng pơtơm Giĕng lêh tơlĕch hŏk pơhrăm đĭ jơhnơr hơrih sơnăm 2024.

VOV4.Bahnar - Đơ̆ng ‘năr 27/9 – 4/10, tơ̆ Hơnih joh ayŏ dêh char, Anih vei lăng găh Joh ayŏ, Tơplŏng kơdâu păng Tơmang lăng pơgơ̆r pơdă tơƀôh rup chhơ̆ dêh char Đắk Lắk ‘măng mă II, sơnăm 2024.

VOV4.Bahnar – Tơdrong hơrih sơ̆ ki kơ bơngai M’Nông Gar tơ̆ xah Đăk Phơi, apŭng Lăk, dêh char Dak Lak mă tơm noh jang chŭn mir, mă kăl noh jơmŭl pơtăm ƀa tơ̆ mir. Kơyuơ noh, đơ̆ng rei pơtăm truh ah kăt yua, bơngai M’Nông Gar đei lơ khôi kăp gĭt ƀenh kơ um ai joh ayŏ juăt jue kơ hơdrung hơdrĕch. Lơ̆m noh đei et soi sơng yang hri vih tơ̆ pơk kăp gĭt tơbang gah tơdrong tơgĭt kơ găr ƀa đei kĕch đơ̆ng rŏng kơ minh pơyan pơm jang păng tơdrong hơpơi ‘meh đơ̆ng kon pơlei hơnơ̆ng đei phĭ tơtŏ dơnŏ ‘lơ̆ng.

VOV4.Bahnar – Khôi et jur jang jing minh lơ̆m dôm khôi juăt kăp gĭt kơ kon pơlei Êđê. Bơngai Êđê đei lơ khôi et soi tơrĕk truh tơm ƀa nhen et soi kơ hơdrĕch ƀa, lêh chruih ƀa, et sŏng ƀa ‘nao (et jur xa)... Lơ̆m noh đei minh khôi et soi ưh gan đei lơ bơngai băt truh noh et soi hơdrol kơ broch ƀa (bơngai Êđê krao noh “Ngă yang trŭn puôt”) tơbang gah tơdrong tơgĭt hăm tơdrong pơm jang kơ minh pơyan, hmach bơnê kơ đe yang hơpang hlôi asong ăn minh pơyan pơm jang đei yua păng hơtŏk tơdrong tơguăt lơ̆m tơpôl pơlei pơla.