VOV4.Bahnar - Buôn Ma Thuột –tơring teh bri kông să seng Tây Nguyên, tơring ƀou phu tru hŭt kaphê hlôi jing minh pah kơ tơdrong joh ayŏ ưh layơ kơƀah lơ̆m tơdrong hơrih rim năr. Rim 'măng năm truh Ban Mê, buăl adoi đei huch kaphê đei pơm hăm lơ trong phara băl, ƀenh kơ um ai joh ayŏ kon pơlei tơ̆ tơring, pơm lăp đon kon bơngai.

VOV4.Bahnar – Bơngai Ca Dong jĭ hơdrung bơngai klah đơ̆ng hơdrung bơngai Xơ-Đăng, mă tơm hơrih jang xa tơ̆ apŭng Nam Trà My, dêh char Quảng Nam. Đơ̆ng kră sơ̆, kon pơlei Ca Dong ling lang lăng tơgĭt gah thong đak, lăng noh jĭ tơdrong tơm kơ tơdrong hơrih. Rim sơnăm, ah hơtuch khei 11, blŭng khei 12 jĭ khei năr pơtôch kăt yua pơyan choh jang, tơdrong jang kăt yua hlôi keh đang, kon pơlei Ca Dong gô pơgơ̆r et soi kơ hơdrơ̆m đak, dah mă đe oei krao Têt ming đak, hăm tơdrong hơpơi 'meh sơng đei lơ tơdrong 'lơ̆ng hơ-iă, sơđơ̆ng sơnêp sơnoi truh hăm pơlei pơla.

VOV4.Bahnar – Năr 14/3, Anih jang Joh ayŏ, Tơplŏng kơdou păng Tơmang pơhiơ̆ Gia Lai pơtơm tơdrong pơdah um rŭp tơmam drăm sơng kơ kuh 50 sơnăm Năr tơblah đei jơnei dêh char Gia Lai (16/3) păng 50 sơnăm Tơblah đei jơnei tơring Pơbah (30/4).

VOV4.Bahnar - Kơsơ̆ brei 13/3, Anih pơgơ̆r thi Hơdrĕng chĕh phe ‘lơ̆ng kơ Việt Nam 2025 roi tơbăt păng hơpăh tơmam ăn dôm bơngai iŏk đei jơnei lơ̆m tơdrong thi âu.

VOV4.Bahnar - Pơgê năr  12/3, tơ̆ dơnou Lăk, thĭ trân Liên Sơn, apŭng Lăk (Dak Lăk), pơgơ̆r Pơm lêh pơting dih băl hao thŏng nan apŭng Lăk ‘măng mă 4 sơnăm 2025.

VOV4.Bahnar - Apŭng sơlam teh đak kơ Buôn Đôn, dêh char Đắk Lắk vă pơgơ̆r Tết Bunpimay (Tết Lào) tih hloh đơ̆ng sơ̆ truh dang ei hăm lơ tơdrong jang ‘lơ̆ng hơiă.

VOV4.Bahnar - Lơ̆m tơdrong pơgơ̆r Pơm lêh chehphe Buôn Ma Thuột ‘măng mă 9 đei pơgơ̆r tơ̆ Dak lăk, Hơnih vei lăng Tơmang pơhiơ̆ Đà Nẵng pơgơ̆r pơtrŭt kơtang tơmang pơhiơ̆ păng kĭ pơkăp yak hơdoi hăm rim dêh char tơring Tây Nguyên.

VOV4.Bahnar – Lơ̆m kơmăng pơtơm Lêh akŏm kaphê Buôn Ma Thuột mă 9, lơ tơmoi lơ̆m teh đak păng đơ̆ng teh đak đe truh akŏm huch kaphê păng lăng tơdrong joh hơri. Kon pơlei kon kông dêh char Đăk Lăk chơt hơ-iă kơlih hlôi tơbang hơdah um ai joh ayŏ kăp gĭt kơ kon pơlei kơdih po.

VOV4.Bahnar – Dơning năr (10/3) Lêh akŏm kaphê Buôn Ma Thuột 'măng mă 9 gô pơtơm hăm lơ tơdrong akŏm hăt hot 'lơ̆ng hơ-iă. Khei năr ou, dôm anih tơmang pơhiơ̆ păng oei xa tơ̆ Đăk Lăk hlôi keh đang dôm tơdrong hơmet, kơchăng sơng tơmoi truh tơmang lăng păng chă hơlen băt.

VOV4.Bahnar – Dang ei, jơ̆p dêh char Đăk Lăk oei đei 35 rôih rong, mă lơ noh tơ̆ 2 apŭng Lăk păng Buôn Đôn. Đĭ đăng rôih kơpal kơ 40 sơnăm, hlôi đei chih lơ̆m hla bar pơkăp vei lăng, chô̆ chip sơkơ̆t tơ-'ngla păng đei vei lăng 'lơ̆ng gah jơhngơ̆m jăn.