Dêh char Lâm Đồng tŏk bŏk hăt hot hơmet ăn, pơih să hơnih pơkao păng pơgơ̆r dôm tơdrong jang joh ayŏ kơdŏ soang. Jang kiơ̆ Festival, truh dang, hloh 70 xăh, phường kơdêh char Lâm Đồng hlôi tơlĕch jang tơdrong jang “Rim bơngai pơtăm pơkao, rim hnam pơtăm pơkao, ‘long kơ kuh chơt hơiă Festival Pơkao Đà Lạt ‘măng mă XI - sơnăm 2026”. Hơdrô̆ dôm phường kơ anih kơdrơ̆m Đà Lạt tŏk bŏk tơlĕch jang lơ trong pơkao, hơnih pơrŏ hơmet, tơgop pơjing um ai rơgoh, ‘yâu, ‘lơ̆ng ăn anih kơdrơ̆m tơmang lăng Đà Lạt.

Festival Pơkao Đà Lạt sơnăm 2026 kŭm tơlĕch jang kiơ̆ kơ đon tơchĕng ‘nao, nhen hơdai hăm joh hơri hơsoang ‘moi kiơ̆ dôm tơdrong jang: “’Lơ̆ng hơiă đơ̆ng pơkao”; “Tơdrong joh hơri pơkao Đà Lạt”; “Hơri hơsoang păng Pơkao”. Ƀok Đinh Văn Tuấn, Phŏ Kơdră Anih vei lăng kon pơlei dêh char Lâm Đồng, tơbăt, tơdrong pơih să hơnih pơgơ̆r, hơtŏk loi dơ̆ng tơdrong vang jang đơ̆ng tơpôl đei hơmĕng gô pơjing dơ̆ng tơdrong păr ang ăn Festival sơnăm ‘nâu.