Festival đak dơsĭ Khánh Hòa sơnăm truh tơchĕng hơdrol đei hơnăn atŭm ‘noh “Puăn pơyan tơgoăt hơdai - Ƀĕnh đon lui”. Mĭnh pơyan kơ festival ‘noh đei tơƀôh trong kiơ̆ hơnăn kơdih: “Pơyan puih mak sơng tơdrong pŭn hiôk đơ̆ng dơsĭ”; “Đak dơsĭ krao pơyan he chơt hơiă”; “Pơyan hla ruih plei ‘ngam” păng “Pơyan tơngiĕt tơnŏ tơ̆ hơnô̆ hơnăp kơnh”. Mĭnh pơyan, dêh char tơchĕng rơih iŏk 1 lêh dăh mă tơdrong jang ‘lơ̆ng pơm hơnih hơiă.

Tơdrong pơgơ̆r Festival Đak dơsĭ prăt 4 pơyan đei hơmĕng ưh khan lăp pơm tơdrong hơiă ăn tơmang lăng mă oei pơih să hơnih roi tơƀôh dôm kơjă kăp gĭt joh ayŏ kơdŏ soang, cham char, tơmam kơ tơring, pơtrŭt anih mơdro sa păng tơpôl vang jang pơcheh tơmam, pơvih pơvăn joh ayŏ kơdŏ soang tơklep hăm chă tơmang lăng. Sơnăm ‘nâu, Festival Đak dơsĭ Khánh Hòa đei pơgơ̆r khei 7 âu ki sơng đei vă jê̆ 800.000 ‘nu tơmoi, iŏk yua đơ̆ng chă tơmang lăng jô̆ pơhlom đei hloh 1.300 ti hlak jên.