Nơ̆r pơma “mĭnh ‘nu kon pơlei rơih  iŏk tŏ sĕt 1 môn tơplŏng kơdâu trŏ lăp” tơƀôh hơdăh hơnơ̆ng tơplih yua kơ lăp pơtơ̆p pơhrăm kiơ̆ băl dăh mă lơ̆m dôm ‘măng kơchơ̆ng đĕch. Lơ̆m khei ‘năr ‘meh vă vei lăng jơhngơ̆m pran roi ‘năr roi đei lăng kăl, tơdrong pơm đei dôm hơnih tơplŏng kơdâu tơ jê̆, lơ păng ƀônh kơ pơhrăm đei tơdrong ‘lơ̆ng tơpă.

Pơma tơlĕch jang tơdrong jang, Phŏ Thủ tướng Phạm Thị Thanh Trà athei rim kơdră, rim anih jang, rim tơring jang kiơ̆ ‘lơ̆ng trong jang đơ̆ng Đảng hăm trong bơ̆jang tơpă yan âu, bơngơ̆t truh hơtŏk tơiung hơnih, pơm ‘lơ̆ng tơplŏng kơdâu tơpôl hiôk, sơđơ̆ng, ƀônh kơ pơhrăm, pơm tơdrong hiôk vă rim kon pơlei dai đei pơtơ̆p pơhrăm ngăl, tơplih jơhngơ̆m năr tơlĕch jang tơdrong băt kơdih, hơnơ̆ng kơ pơtơ̆p lơ̆m kon pơlei.