VOV.Bahnar - Ƀơ̆t kong tơnuh ŭnh khơ̆ng bơblông lơ̆m pơbŭng hnam pơtăm kơ bơngai Êđê, dôm tơdrong tơroi hơ-‘mon vang vơch ưh khan lăp tơdrong găh dôm bơngai nuih mơng pran kơtang kră sơ̆ mă oei tơƀôh ăn tơdrong gĭt kăl chăl sơnăm, tơdrong oei sa joh ayŏ păng hơrih sa kơ rim hơdrĕch hơdrung Tây Nguyên. Yak hloh ưh kơ băt dôm yơ jơhnơr, tơdrong hơ-‘mon oei tơlei tơgoăt kơjăp kon pơlei pơla hăm tơm a la chă sơ̆ ki, vei kơjăp jơhngơ̆m đon ƀlŏk hơdơ̆r tơpôl păng tơdrong tơdrong ‘lơ̆ng hơ iă lơ̆m hơrih sa. Mŭk drăm ou tŏk bŏk đei hơnih bơ̆jang găh tơdrong ‘nou hơdrin vei răk păng atŏk tơ iung vă pơjing đei tơdrong ‘lơ̆ng hơ iă hloh dơ̆ng lơ̆m hơrih sa tơ̆ Tây Nguyên.

VOV.Bahnar - Tŏk bŏk bri kông Trường Sơn ‘lơ̆ng rŏ, hơnih dôm pơlei bơngai Pa Cô akŏm oei sa tơ̆ jih kông păng thong đak, oei đei chĕp vei 1 tơdrong lêh gĭt kăl. ‘Noh jĭ A Riêu Âr Pục, mĭnh tơdrong lêh kră sơ̆ ‘lơ̆ng hơiă đei pơtih nhen ‘măng sek tơlang pơ ‘lơ̆ng dôm tơdrong ưh tơhil, pơma ưh kơ lăp băl kơ bơngai Pa Cô đơ̆ng sơ̆ khơ̆ dang ei.

VOV.Bahnar - Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng Đắk Lắk ‘nao pơgơ̆r iŏk nơ̆r tơgop ăn Tơdrong jang atŏk tơiung chă tơmang lăng kơ dêh char Đắk Lắk đơ̆ng 2026–2030, trong vă jang truh sơnăm 2050. Hop akŏm đei tơdrong vang akŏm đơ̆ng dôm anih jang kơpal, tơring tơrang, bơngai juăt jang, anih tĕch mơdro păng anih jang găh tơmang lăng.

VOV. Bahnar - Tơ̆ Hơnih mong răk muk drăm Dăk Lăk hlôi pơgơ̆r pơtho tơbăt, tơmang lăng ‘lơng hơ iă hăm hơnăn “Rơ ông năr pơyan pơdơ̆h hŏk”. Tơdrong pơgơ̆r ou ƀlep lơ̆m Năr Apŭng plĕnh teh đe Hơ ioh 1/6 păng pơm kiơ̆ Năr Cham char Apŭng plĕnh teh 5/6, pơjing dơ̆ng tơdrong pơchơt pơhiơ̆ ăn hơ ioh lơ̆m tơring kơdrơ̆m Buôn Ma Thuột păng rim tơring tơjê̆.

VOV.Bahnar - Đơ̆ng rŏng kơ tơmơ̆t hơdai, Đắk Lắk jing tơring đei hơnih chă tơmang lăng tôch ‘lơ̆ng đơ̆ng bri kông Tây Nguyên jur truh tơ̆ tơring tơter đak dơsĭ Nam Trung Bộ, đei ư hơnhang găh cheh phe, sầu riêng, rôih Bản Đôn, đak krong ro hơdrơ̆k, groi teh bazan păng dôm ving đak dơsĭ ‘lơ̆ng rŏ. Tơdrong joăt tơring, tơmơ̆t hơdai bri kông hăm đak dơsĭ pơih đei tơdrong hơmĕng ‘nao vă jang tŏk tơdrong chă tơmang lăng tơ̆ tơring, vang tơgop ‘lơ̆ng ăn tơdrong jang tŏk mŭk drăm đơ̆ng dêh char.

VOV.Bahnar – Ngê̆ nhơ̆n Đinh Hdot (bơngai Bahnar) tơ̆ pơlei Đak Pơkao, xah Tơ Tung, dêh char Gia Lai hlôi akŏm lơ sơnăm vă pơjing păng pơtoi dôm khŭl chĭng chêng, hơri brông. Hăm đon lăp kăp gĭt hăm joh ayŏ kon kông, ƀok hlôi tơgop vei răk tơƀăk mong nơ̆r chĭng chêng, tơdra hơri brông păng pơlan să tơdrong pơ-ư pơ-ang gah joh ayŏ Bahnar lơ̆m tơdrong hơrih 'nao hrei ou.

VOV.Bahnar – Lơ̆m tơdrong rơ-ông rơ-ang tơdra chĭng chêng tơ̆ tơring kơdrơ̆m kông Pleiku, Gia Lai, dôm tơdra hơsuang rơmuơn 'lơ̆ng, tơdrô ghe ƀăt 'lơ̆ng păng khôi juăt kơ bơngai Jarai hlôi hrou atŭm hăm um rup joh ayŏ Tây Nguyên akŏm ƀenh kơ um ai joh ayŏ. Tơdrong akŏm “Chĭng chêng hơtuch giĕng – xa dôm tơmam xa 'lơ̆ng păng hơlen băt” ưh hơdrô̆ pơtruh đak kơ-ang kăp gĭt mă oei jing gơng tơroh vă tơmoi chă hơlen băt păng atŭm vei răk tơƀăk mong joh ayŏ chĭng chêng Tây Nguyên.

VOV.Bahnar - Tŏk bŏk groi Đồng Bò, păh pơmơ̆t Pơbăh Nha Trang, dêh char Khánh Hóa, đei mĭnh hơnih tơbăt kơ Ƀok Hô să hloh 2.000m² kơ yuơ mĭnh ‘nu ƀô̆ đô̆i so pơjing prăt pêng jĭt sơnăm kơ ou. Hăm ƀok Bùi Xuân Phước, tơdrong pơjing hơnih ƀlŏk hơdơ̆r kơ Ƀok Hô ưh khan lăp jơhngơm đn hơpơi ‘meh vă mĭnh ‘nu bơngai ƀô̆ đô̆i, mă oei jing tơblŏk ăn kơ dih prăt jơhnơr hŏk pơhrăm, pơm kiơ̆ jơhngơ̆m đon ‘lơ̆ng trong jang hơ iă kơ Ƀok Hô.

VOV. Bahnar - Tơ̆ phương Buôn Ma Thuột, dêh char Dak Lăk pơgơ̆r hop akom iŏk nơ̆r tơgop Tơdrong vă jang atŏk tơ iung tơmang pơhiơ̆ jăl jang 2026–2030, lăng truh sơnăm 2050.

VOV.Bahnar – Hơnih jang vei lăng kon pơlei dêh char Đăk Lăk 'nao kĭ pơkăp Tơdrong pơgơ̆r jang kơ Lêh akŏm Sâu riêng Đăk Lăk sơnăm 2026 hăm hơnăn “Sâu riêng Đăk Lăk – Pơtoi păr hơtaih”.