VOV.Bahnar - Kiơ̆ kơ Anih vei lăng Joh ayŏ kơdŏ xoang, Tơplŏng kơdâu păng Tơmang lăng dêh char, lơ̆m dêh char sơng vă jê̆ 908 rơbâu ‘nu tơmoi, tŏk hloh 10% pơting hăm khei ‘nâu sơnăm sơ̆.

VOV.Bahnar - Tŏk bŏk bri kông Tây Nguyên ‘lơ̆ng rŏ, Koh sa Tơdrăng kơ bơngai Bahnar ‘noh jĭ 1 lơ̆m dôm lêh gĭt kăl, đei tơdrong hơiă jơhnơr hơrih, lui kơ yang păng joh ayŏ ‘lơ̆ng hơiă.

VOV.Bahnar – Chĭng chêng jĭ tơmam pơre tơdra ưh gơh kơƀah lơ̆m tơdrong hơrih kơ kon pơlei Tây Nguyên. Hăm kon pơlei K’Ho tơ̆ dêh char Lâm Đồng, ƀai chêng sô̆ - Chêng Bor – đei lơ bơngai lăp mơ̆ng. Ah mă ƀai chêng đei pơre jing 'măng mă kon pơlei tơƀơ̆p, tơguăt đon bơnôh kon bơngai hăm dih băl, tơƀôh tơdrong tơguăt tơguăl drơ̆ng minh lơ̆m unh hnam păng pơlei pơla.

VOV.Bahnar - Ƀlep ƀât tơbăt 80 sơnăm Kăch mang khei 8 păng Quốc khánh 2/9, Anih ‘măn răk tơmam Jơhnơr arih kơ teh đak (tơ̆ Hà Nội) oei pơgơ̆r pơdă tơmam đei hơnăn: “Lăm hŏk vă sut pơđĭ tơdrong ưh kơ băt chư - tơ̆k hơdăh tơdrong arih ning mônh kơnh”. Dôm tơmam, um rup đei ming pơdă ưh lăp tơƀôh dơ̆ng tơdrong tơroi găh chư đĕch mă oei jing ƀai hơri kơtang nuih mơng, tơƀôh jơhngâm đon ‘mêm kơ teh đak, đon adrin jang tŏk tôch pran.

VOV.Bahnar - Hơtăih anih kơdrơ̆m phường Kon Tum dang 20km, plei Kon Jong kơ bơngai Xơ đăng oei tơ̆ xăh Ngọc Réo, dêh char Quảng Ngãi, sơđơ̆ng hiôk tŏk bŏk dôm pơgar kơsu, cheh phe păng bri ‘long jing ‘lơ̆ng. Hơnih âu đei thong Đắk Lôi ‘lơ̆ng rŏ, jing hơnih tơmang lăng ‘lơ̆ng hơiă hăm dôm bơngai ‘meh tơchă jơhngơ̆m hiôk mưh vih hăm cham char bri brăh lơ̆m ‘măng pơdơh lêh âu.

VOV.Bahnar - ‘Măng pơdă “Jơnei đơ̆ng teh đak – 80 sơnăm chĕp kơ̆l pơgơ̆r teh đak kơdih, rơngei, hiôk hian” đei pơgơ̆r đơ̆ng ‘năr 28/8 truh đĭ ‘năr 5/9 tơ̆ Hà Nội. Hăm tơdrong vang akŏm đơ̆ng 34 dêh char, plt kŭm hăm lơ anih tơm, anih jang kơpal kơ Trung ương, ‘măng pơdă roi tơƀôh dôm tơdrong jơnei ‘lơ̆ng hơiă đơ̆ng teh đak lơ̆m rim tơdrong, lơ̆m noh đei lơ anih ming pơdă găh khul linh, joh ayŏ kơ dŏ xoang, mŭk drăm, tơpôl. ‘Nâu jĭ anih truh hăm tơdrong joh ayŏ kơ dŏ xoang – chĭnh trĭ gĭt kăl, vang tơgop tưk tơiung jơhngâm đon hưch hanh kơ hơdrĕch hơdrung păng tưk tơiung đon hơpơi ‘mĕh pơjing teh đak pran kơtang.

VOV.Bahnar - Kơsơ̆ brei 27/8, Kơdră Quốc hội Trần Thanh Mẫn hlôi hơlen lăng tơdrong jang hơmet ăn pơgơ̆r Pơdă “Jơhnơr hơrih păng Tơdrong jang gĭt kăl kơ Quốc hội Việt Nam" tơ̆ Hơnih Jơnŭm kơchơ Pơdă teh đak (Đông Anh, Hà Nội). 

VOV.Bahnar - Tơ̆ Hnam Quốc hội, pơgơ̆r lêh et hơtŏk Hơnih Chih kơtơ̆ng ang păng tơlĕch ăn gĭt kăl ƀô̆ tem tơbăt 80 sơnăm Quốc khánh teh đak Cộng hòa XHCN Việt Nam.

VOV.Bahnar – Lơ̆m tơring bri kông Tây Nguyên, ah mă jơva chĭng chêng re ang pơtơm pơyan jang xa, khi tiếng cồng chiêng ngân vang gọi mùa, ah mă 'nhui unh tơpăr jơ̆p jang tơ̆ dôm bơbŭng hnam, bơ̆n ƀôh um rŭp juăt jue: đe yă, đe mĕ, đe pơmai atŭm băl peh ƀa dra hau, tŭl bơlăh ƀơ̆t kong tơnuh ŭnh khơ̆ng bơ blông. Tơdra “kŏk kŏk” re ang đơ̆ng tơpăl 'long, hrou atŭm hăm tơdra hơsuang nhen vă tơƀlŏk ăn lơ jơhnơr bơngai Xơ Đăng vih xa dôm tơmam xa juăt jue kră sơ̆, 'lơ̆ng nham kơ pơlei pơla. Lơ̆m noh, ‘nhot hơte kơdret bri - tơmam sa hmă, ƀâu phu bri kông, đơ̆ng sơ̆ hlôi jing tơdrong chhôk ‘nă lơ̆m tơmam sa ‘lơ̆ng hơiă kơ kon pơlei Xơ Đăng.

VOV.Bahnar - Đơ̆ng sơ̆ bơih, Kơ̆m ‘mi jur “Pơtao Apui” kơ bơngai Jrai oei tơ̆ Gia Lai oei vei kơjăp. Tơdrong pơgơ̆r kơ̆m kang kơnang giĕng ou ưh khan lăp tơbăt ăn tơdrong oei sa kơ̆m kang kơnang giĕng tơklep hăm bri kông, tŏ ‘mi kial păng mir na kơ kon pơlei, mă oei jing mŭk drăm jŏh ayŏ oei sa gĭt kăl kơ teh đak, tơdrong ‘lơ̆ng rŏ kơ tơring Pơtao Apui, jĭ hngơ̆m hưch hanh hơmanh bơnê kơ bơngai Jrai, tơgop pơjing đei tơdrong oei sa ‘lơ̆ng rŏ Tây Nguyên.