Tơdrong hơri hơxoang đei pơgơ̆r ƀlep ƀât tơbăt 81 sơnăm Năr Công an kon pơlei, 81 sơnăm Kăch mang khei 8 păng Quốc khánh 2/9. Tơdrong hơri đei pơgơ̆r pơm 3 chăl: “Trong yak hiôk sơđơ̆ng”, “Vei sơđơ̆ng ‘lơ̆ng ăn Anih tơm” păng “Hiôk sơđơ̆ng lơ̆m chăl ‘nao”, tơƀôh dơ̆ng lơ̆m jăl trong iung jang đơ̆ng jơhnơr arih, jŏh ayŏ kơ dŏ xoang kơ Hà Nội;

Atŭm hăm ‘nŏh tơƀôh dơ̆ng dôm tơdrong tơgop, tơdrong lôch tang, chu hŭt hơkâu đơ̆ng rim jơhnơr kăn ƀô̆, linh Công an Anih tơm vă vei lăng tơdrong arih xa hiôk sơđơ̆ng, ‘lơ̆ng hơiă ăn kon pơlei. Dôm ƀai hơri hơxoang chơt hơiă nhen ‘mĕh roi tơbăt găh 1 khul linh Công an Anih tơm hơnơ̆ng tơplih ‘nao, jang kiơ̆ khoa hŏk, kơmăy kơmŏk, hơtŏk tơdrong đei yoa mưh bơ̆ jang, yoa Kon pơlei mă pơvih pơvăn, vang tơgop pơjing Hà Nội roi đunh roi gơ̆h hơgei, ‘lơ̆ng rŏ păng hiôk sơđơ̆ng.