Kiơ̆ đơ̆ng kơmăng jŏh hơri, hơsoang, unh pơchrang pơrŏ păng pơdăh um rup, tơdrong jang tơƀôh dơ̆ng dôm kơmâu pơkao đơ̆ng bri kông Tây Nguyên vih tơ̆ kơphô̆ đak dơsĭ Quy Nhơn, pơm đei hơnih mơ̆t hơdai bri kông păng đak dơsĭ.

Lêh pơgơ̆r truh 'năr 30/11, pơih 'măng ưh kơ iŏk jên đơ̆ng 7 jơ pơgê truh 9jơ kơmăng rim năr. Tơmoi chă tơmang lăng gơ̆h lăng ƀôh rơbâu tơm 'long, pơkao 'lơ̆ng hơdrô̆ kơ Tây Nguyên păng lơ tơring; chă lăng dôm tơdrong jŏh ayŏ kơ dŏ soang, tơplŏng kơdâu, ngôi pơchơt, et sa. Kơmăng năr drâu păng năr pơh rim giĕng đei tơdrong hơri hơsoang tôn chĭng chêng Tây Nguyên.