Tơdrong pơgơ̆r tơƀôh tơbăt tơdrong hơrih sa joăt joe sơ̆ ki kơ bơngai Êđê hăm trong pơgơ̆r joh ayŏ kơdŏ soang tơƀôh tơbăt, atŭm hăm tơdrong pơgơ̆r joh ayŏ kơdŏ soang hăm kmăi kmŏk gơh hơgei. Kon pơlei đei lăng dôm tơdrong pơdăh găh tơdrong oei sa joăt joe kơ bơngai Êđê, đơ̆ng tơdrong hơrih sa tơklep hăm cham char, chă hơngoang, choh mir truh tơdrong oei sa joh ayŏ, kơ̆m kang kơnang giĕng lơ̆m pơbŭng hnam pơtăm. Tơdrong hơri, jơva chĭng chêng, tôn reh, soi tơbeh păng tơdrong oei sa đei hrou hăm tơdrong hơgơ̆r joh ayŏ ‘lơ̆ng hơ iă. Rim ngê̆ nhân păng bơngai joh hơri vang pơgơ̆r jĭ bơngai Êđê ngăl, dôm tơdrong pơgơ̆r đei pơma, hơri hăm nơ̆r Ê Đê. Show pơgơ̆r đei pơgơ̆r truh đĭ năr 19/8, rim gơmăng pơgơ̆r 2 ‘măng lơ̆m 7 jơ 30 pơnĭt păng 8jơ 30 pơnĭt gơmăng.