Đơ̆ng 1 kơloăi plei ‘long ‘lơ̆ng hơdrô̆, sầu riêng Đắk Lắk tŏk bŏk đei dôm bơngai pơm pai pơlong lăng hăm lơ trong pơm pai ‘nao, pơm đei dôm tơmam sa pơyua ăn ‘meh vă lăng, sa tơmam sa. Tơ̆ Lêh Tơmam sa Sầu riêng Đắk Lắk sơnăm 2026, 102 tơmam sa hơdai hăm sầu riêng ‘nao đei chih tơmơ̆t lơ̆m Ki lŭk Việt Nam. Lêh tơmam sa Sầu riêng Đắk Lắk sơnăm 2026 pơgơ̆r đơ̆ng ‘năr 15 truh 23/8 tơ̆ hơnih cham Tơdrong jang Eco Palace, phường Buôn Ma Thuột, hăm dang 200 kơdeng tơmam, ‘noh đei dôm tơmam đơ̆ng sầu riêng păng dôm tơmam ‘lơ̆ng nai kơ Đắk Lắk.

Tơ̆ lêh pơgơ̆r pơih blŭng Lêh tơmam sa pơgê (16/8), Khŭl pơgơ̆r pơjao tơmam pơlong, pơjao hla ar pơkăp Ki lŭk Việt Nam hăm 102 tơmam sa ‘lơ̆ng hơdai hăm sầu riêng Đắk Lắk păng hla ar pơkăp ăn kơ dôm bơngai pơm pai vang pơlong. Kiơ̆ kơ Anih pơgơ̆r, tơdrong pơm đei 102 tơmam sa ưh khan lăp vă pơm tơdrong hơiă ăn lêh mă oei yak truh iŏk yua lơ hloh kơjă kăp gĭt đơ̆ng sầu riêng, ƀrư̆ ƀrư̆ jing dôm tơmam sa gơh pơyua ăn tơmang lăng, pơvih pơvăn păng kơmăy kơmŏk pơm tơlĕch.