VOV.Bahnar - Joh hơri jĭ tơdrong akŏm hơri hơsuang đei ƀôh lơ lơ̆m tơdrong hơrih kon pơlei kon kông tơ̆ tơring Tây Nguyên, lơ̆m noh đei kon pơlei Xơ Đăng. Kon pơlei đei minh mŭk drăm joh ayŏ hăm lơ tơdrong joh ayŏ, đơ̆ng tơdrong hơri, hơsuang truh tơdrong pơre nơ̆r hăm brŏ kon kông, hơri brông. Mih ma duch nă chă hơri lơ̆m jang mir, lơ̆m akŏm et xa, pơsĭt pơkong, lung đe hơ-ioh tep dah mă pơkăp đe hơdruh tơdăm... Lơ̆m tơdrong jang tơmang pơhiơ̆ chă tơmang lăng tơring teh păng kon bơngai Tây Nguyên, tơmoi chă mơ̆ng tơdrong hơri brông hiôk 'lơ̆ng kơ bơngai Xơ Đăng.

VOV.Bahnar - Lơ̆m jơhnơr hơrih kơ bơngai Bahnar tơguăt hăm dôm khôi et soi juăt jue, tơƀôh tơdrong tơguăt đơ̆ng kon bơngai, yă ƀok dơnơm păng kon pơlei pơla. Ah mă hơ-ioh 'nao đei rơneh noh đei “Et kơtĕch klŏk” dah mă bơ̆n oei krao "Et tuh klŏk" vă sơng drơ̆ng, krao hơnăn ăn hơ-ioh 'nao rơneh, hơpơi gơh grăng hơkou păng sơđơ̆ng 'lơ̆ng. Ah lôch hơchăng noh groong ƀŭ, brư̆ đei pơgơ̆r tih. Lơ̆m jơhnơr hơrih kơ bơngai Bahnar oei đei et Teh nhŭng ăn kră, et Chruih sŏk ko... vă kon soi pôk bơnê kơ mĕ ƀă, yă ƀok, bơnê kơ bơngai sơnăm 'lŏ, pơ-'lơ̆ng đon bơnôh unh hnam păng kon pơlei pơla. Lơ̆m tơdrong chă hơlen băt khôi juăt kăp gĭt kơ kon pơlei kon kông tơring Tây Nguyên, tơmoi gơh chă hơlen băt dôm tơdrong mă ou.

VOV.Bahnar

VOV.Bahnar - Tôn chĭng chêng ‘noh jing tơdrong joăt ‘lơ̆ng hơ iă hloh kơ kon pơlei rim hơdrung kon kông Tây Nguyên. Hăm bơngai K’Ho oei tơ̆ dêh char Lâm Đồng, sơ̆, tơdrong chă tôn chĭng chêng lăp hơdrô̆ tơ̆ đe drŏ nglo đĕch. Mă lei, dôm sơnăm tơjê̆ ou hlôi đei tơplih păng hlôi đei khul drŏ kăn tôn chĭng chêng dơ̆ng, ưh khan lăp tơgop lơ̆m vei răk chĭng chêng, mă oei pơjing dơ̆ng tơdrong chơt hơ iă ‘nă hal hle lơ̆m tơdrong oei sa păng pơm hơ iă ăn tơmoi năm truh hăm tơring tơmang pơhiơ̆ Lâm Đồng. 

VOV.Bahnar - Anih vei lăng kon pơlei dêh char Đắk Lắk ‘nao pơgơ̆r Hop akŏm pơtôch 20 sơnăm chĕp vei păng tưk tơiung tơdrong juăt tôn chĭng chêng (2005–2025), tơlĕch trong jang truh sơnăm 2030.

VOV.Bahnar - Đei pơtoi đơ̆ng sơnăm 2005 truh dang ei, tơdrong akŏm “Pơlei ngôi pơchơt, pơlei joh hơri” tơ̆ dêh char Đăk Lăk jĭ tơdrong akŏm joh ayŏ kăp gĭt, hơvơn lơ bơngai kon kông truh akŏm. Rim tơdrong pơlong tôn chĭng chêng, hơri tơtơl; peh ƀa, tanh hơkăt păng pai 'nhot xa juăt joe hlôi đei hơmet, vei răk tơƀăk mong, jing tơmam drăm tơmang pơhiơ̆ hơvơn lơ tơmoi truh. Atŭm hăm dôm hơdrĕch bơngai nai, bơngai Xơ Đăng, hăm tơdrong joh ayŏ kăp gĭt, hlôi tơgop atŭm hăm tơdrong akŏm “Pơlei ngôi pơchơt, pơlei joh hơri” jing tơdrong akŏm 'lơ̆ng hơ-iă hloh.

VOV.Bahnar - Khei ‘năr hơtuch sơnăm, rim tơring lơ̆m tơring Tây Nguyên păng tơring tơter đak dơsĭ Pơbăh Tŏk bŏk oei pơgơ̆r lơ tơdrong jang vă sơng đei tơmoi tơmang lăng, tơgop hơtŏk tơiung mŭk drăm - tơpôl tơ̆ tơring.

VOV.Bahnar - Hăm hơdrung bơngai kon kông Tây Nguyên, Hơ-'mon akŏm ƀenh kơ tơdrong joh ayŏ, chăl hơrih, adoi nhen dôm tơdrong hlôh vao lơ̆m tơdrong hơrih đei akŏm đơ̆ng chăl yă ƀok sơ̆ ki. Rim tơdrong hơ-'mon adoi akŏm đei pơhngol kơ joh ayŏ, nhen tơdra nuih mơng kơ tơdrong hơrih kon pơlei tơ̆ tơring bri kông, nơ̆r re ang đơ̆ng kơ rơbou sơnăm sơ̆. Dôm sơnăm tơjê̆ ou, ah mă dôm tơdrong jang hơri hơ-'mon đei pơtơm hơmet dơ̆ng, nơ̆r re ang kơ bri kông tŏk bŏk oei ƀôh tơ̆ lơ pơlei pơla adoi nhen dôm anih tơmang pơhiơ̆, hơvơn lơ tơmoi păng đe sơnăm mơlôh lăp kơ joh ayŏ juăt jue kơ kon pơlei kon kông.

VOV.Bahnar - Ƀlep 20 sơnăm jô̆ đơ̆ng mă Tơdrong tôn chĭng chêng Tây Nguyên đei UNESCO pôk pơ ư hơnăn jĭ mŭk drăm joh ayŏ gĭt kăl dăr sơnăm kơ kon bơngai, tơ̆ dêh char Gia Lai, jơva chĭng chêng oei jing tơdrong hưch hanh hơmanh bơnê gĭt kăl hloh kơ rim hơdrung kon kông. Bơ̆ jang vei răk tơƀăk mong muk drăm gĭt kăl ou hlôi đei rim nghê̆ nhân, kon pơlei păng khul kơdră chĕp pơgơ̆r tơring vang iung jang kơtang; hlôi jing tơdrong pơm hơtŏk jơhngơưm đon hưch hanh, jơhngơ̆m pran lơ̆m tơdrong tơ iung pơjing tơring ‘nao kơ tơring kon kông. Tôn chĭng chêng oei hơnơ̆ng lang să jơ̆p pơlei pơla tơring tơrang ‘nao, hlôi đei ,jing tơmam tơmang pơhiơ̆ joh ayŏ kơdŏ soang ‘lơ̆ng hơ iă ăn tơmoi.

VOV.Bahnar - Bơngai Rađe – 1 lơ̆m dôm hơdrĕch kon kông đei lơ tơdrong juăt, jŏh ayŏ kơ dŏ xoang ‘lơ̆ng hơiă tơ̆ tơring  Tây Nguyên – hăm lơ tơdrong hơxoang tôch hơiă. Dôm tơdrong hơxoang đơ̆ng đe sư ưh lăp tơƀôh tơdrong ‘lơ̆ng găh hơkâu jăn, tơdra hơyŭn xoang tôch ‘lơ̆ng đĕch, mă oei tơƀôh hơdăh tơdrong lui kơ yang, pơ ‘nhang hơdrĕ, tơklep kơjăp hăm bri kông dơ̆ng. Lơ̆m noh, dôm tơdrong hơxoang tôch hơiă gơ̆h jô̆ truh ‘nŏh: hơxoang Ktŭng Khăk, Ghat khil (hơxoang khêl), Kdŏ jông (hơxoang sung), Pah hgơr (hơxoang tap hơgơ̆r), hơxoang Čĭm Grư̆ (hơxoang sem grơ̆)... Rim tơdrong hơxoang đei kơjăp hăm 1 tơdrong tơroi, 1 tơdrong soi tôch kơ sĭt, tơƀôh hơdăh jơhngâm đon pran kơtang, băt bơnê kơ yang, kŭm nhen đon hơpơi ‘mĕh choh jang xa đei ƀa hơƀo lơ, arih xa phĭ tơtŏ dơnŏ ‘lơ̆ng, hiôk chơt.