VOV.Bahnar - Hăm đon tơchĕng rim tơmam đei yang vei ngăl, adrol kơ pơyan rei pơtăm, bơngai Jarai tơ̆ dêh char Gia Lai hơnơ̆ng pơgơ̆r et soi kơ ƀa pơyan vă apinh yang pring vei, tơjur ăn ‘năr rŏ, tŏ hơlăng, mir na jing ‘lơ̆ng, tơdrong arih xa hiôk jơnap. Mă đơ̆ng ki thuơ̆t jang hrei ‘nâu pha bơih ră, mă lei tơdrong et soi ƀa pơyan oei chĕp vei tơ̆ lơ tơring nhen thoi 1 tơdrong juăt, tơƀôh hơdăh jơhngâm đon ‘mêm bơnê kơ yang păng tơtă ăn kon pơlei athei oei xa mă ‘lơ̆ng hăm cham char plenh teh.

VOV.Bahnar - Tơ̆ pơlei tơm Pleiku, dêh char Gia Lai, rim pơlei pơla Jarai sơđơ̆ng 'lơ̆ng tŏk bŏk oei tơplih pran kơtang. Hơdah nhen pơlei Ơp, pơlei Ia Nueng, ưh hơdrô̆ akŏm tôm tơdrong joh ayŏ Tây Nguyên, mă oei jing anih ang hơdah lơ̆m tơdrong hơtŏk jang tơmang pơhiơ̆ tơpôl tơguăt hăm vei răk tơƀăk mong joh ayŏ kon kông, pơjing trong jang sơđơ̆ng 'lơ̆ng ăn kon pơlei.

VOV.Bahnar - Lơ̆m tơdrong joh ayŏ chĭng chêng Tây Nguyên – mŭk drăm joh ayŏ kăp gĭt kơ kon bơngai, rim hnam kơjung kơ bơngai Êđê nhen minh pah pơhngol kơ pơlei pơla. Ưh hơdrô̆ jĭ hơnih oei xa kơ unh hnam, hnam kơjung oei jĭ um pơtih kăp gĭt ăn khôi juăt kiơ̆ hơdrĕch gah mĕ. Tơ̆ noh, kiơ̆ khei năr, adoi oei rek vei jơva chĭng chêng, nơ̆r hơri brông, hơri hơ-'mon păng dôm kơjă kăp gĭt kơ joh ayŏ ÊĐê. Lơ̆m khei pơgơ̆r "et xa" tơ̆ Tây Nguyên, ah mă hnam kơjung hlôi keh đang kơjăp 'lơ̆ng, bơngai Êđê tơ̆ Đăk Lăk pơgơ̆r et tŏk hnam 'nao, hnam hơkŭm joh ayŏ kơ pơlei pơla 'nao pơm đang.

VOV.Bahnar -  Bơngai K’Ho tơ̆ păih Pơbăh Tây Nguyên đei tơdrong joh ayŏ gĭt kăl, lơ̆m noh dôm nơ̆r hơri brông nhen  reng, loong, tòng bơr, tam pơ̆t, tam pla… ling lang đei hơri lơ̆m rim năr et sa, năr pơchơt. Kŭm hăm tơdra chĭng, hơsoang, lơ̆m dôm năr et sa, bơngai  K’ho ưh kơ gơh kơƀăh dôm boa hơri brông kră sơ̆.

VOV.Bahnar - Khei 7 sơnăm 2020, Jơnŭm jang Pơtho Pơhrăm, Khua hŏk păng Joh ayŏ Liên Hợp Quốc (UNESCO) hlôi tơchơ̆t Hơgơp tơmo 'lơ̆ng Đăk Nông jĭ Cham să groi teh 'lơ̆ng lơ̆m apŭng plenh teh. Atŭm hăm tơdrong kăp gĭt gah um rup, hơgơp tơmo adoi jĭ hơnih 'măn chih chih hơlen gah tơdrong kăp gĭt kơ cham char, tơ̆ ou oei vei răk joh ayŏ kăp gĭt kơ kon pơlei kon kông arih jang xa tơ̆ tơring groi kông M’Nông, lơ̆m noh đei Joh ayŏ Chĭng chêng Tây Nguyên – Mŭk drăm joh ayŏ kăp gĭt tang măt ăn kon bơngai. Tơdra re đơ̆ng teh, tơdra re kơ joh ayŏ kră sơ̆ hlôi pơjing đei “Tơring kơ dôm tơmam tôn reh” – Cham să groi teh 'lơ̆ng apŭng plenh teh UNESCO Đăk Nông, mă kăl noh hơvơn lơ tơmoi truh tơmang lăng

VOV.Bahnar - Lơ̆m tơdrong hơri brông Êđê, mưh nhen tơdra hơri Eireiíô̆ hơ-iă, noh tơdra hơri Kưt hơdu tơdui thoi đe hơri hơnhông. Hơri kưt jĭ nơ̆r pơđơ̆k pơtih pơtŏng gah lơ tơdrong; mă kăl ou adoi jĭ tơdrong hơri lơ̆m ƀai hơri khan (hơ-'mon). Lơ̆m kơplah hơri hơ-'mon noh athei đei hơnih, jơ 'năr păng bơngai hơ-'mon athei hlôh vao kloh klĕch gah tơdrong hơ-'mon, noh gah hơri kưt ƀônh hloh lơ̆m tơdrong vei răk tơƀăk mong, kơlih hăp hơri layơ dah mă hơri tơ̆ yơ kŭm bưh păng lơ bơngai adoi gơh hơri. Tơ̆ rim pơlei pơla, dôm anih jang tơmang pơhiơ̆ tơpôl tơ̆ dêh char Đăk Lăk, atŭm hăm hơri eirei, dôm nơ̆r hơri kưt kơ bơngai Êđê tŏk bŏk pơm lơ tơmoi truh tơmang tơ̆ tơring teh ou hưch lăp.

VOV.Bahnar - Lơ̆m rim ‘măng pơgơ̆r kơ̆m kang kơnang giĕng kơ bơngai Jrai ‘noh ưh kơ gơh kơƀăh jơva chĭng chêng, sơgơ̆r păng rim tơmam tôn reh. Tơdrong phăl hơlăng chă pơtho ăn đơ̆ng đe nghê̆ nhân atŭm hăm jơhngơ̆m đon hưch hanh hơmanh bơnê kơtang đơ̆ng đe hơdruh tơdăm oei tơ̆ dêh char Gia Lai tŏk bŏk tơgop pơm hơdăh ang rang ‘lơ̆ng tơdrong tôn chĭng chêng Tây Nguyên lơ̆m hơrih sa kơ ‘năr, tơgoăt tơgoăl pơlei pơla păng lang să dôm tơdrong ‘lơ̆ng rŏ hơbŏ nhen.

VOV.Bahnar – Tơ̆ Cham xă Lâm Viên- Đà Lạt, Anih joh ayŏ kơ dŏ xoang, Unh hnam păng mong đŏk hla ar, găh Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng jang hơdoi hăm Anih vei lăng kon pơlei dêh char Lâm Đồng pơgơ̆r Pơdă tơƀôh um rup roi tơbăt ăn Hop akŏm bơngai tang măt lơ̆m teh đak ‘măng mă XIV kơ Đảng.

VOV.Bahnar - Joh hơri jĭ tơdrong akŏm hơri hơsuang đei ƀôh lơ lơ̆m tơdrong hơrih kon pơlei kon kông tơ̆ tơring Tây Nguyên, lơ̆m noh đei kon pơlei Xơ Đăng. Kon pơlei đei minh mŭk drăm joh ayŏ hăm lơ tơdrong joh ayŏ, đơ̆ng tơdrong hơri, hơsuang truh tơdrong pơre nơ̆r hăm brŏ kon kông, hơri brông. Mih ma duch nă chă hơri lơ̆m jang mir, lơ̆m akŏm et xa, pơsĭt pơkong, lung đe hơ-ioh tep dah mă pơkăp đe hơdruh tơdăm... Lơ̆m tơdrong jang tơmang pơhiơ̆ chă tơmang lăng tơring teh păng kon bơngai Tây Nguyên, tơmoi chă mơ̆ng tơdrong hơri brông hiôk 'lơ̆ng kơ bơngai Xơ Đăng.

VOV.Bahnar - Lơ̆m jơhnơr hơrih kơ bơngai Bahnar tơguăt hăm dôm khôi et soi juăt jue, tơƀôh tơdrong tơguăt đơ̆ng kon bơngai, yă ƀok dơnơm păng kon pơlei pơla. Ah mă hơ-ioh 'nao đei rơneh noh đei “Et kơtĕch klŏk” dah mă bơ̆n oei krao "Et tuh klŏk" vă sơng drơ̆ng, krao hơnăn ăn hơ-ioh 'nao rơneh, hơpơi gơh grăng hơkou păng sơđơ̆ng 'lơ̆ng. Ah lôch hơchăng noh groong ƀŭ, brư̆ đei pơgơ̆r tih. Lơ̆m jơhnơr hơrih kơ bơngai Bahnar oei đei et Teh nhŭng ăn kră, et Chruih sŏk ko... vă kon soi pôk bơnê kơ mĕ ƀă, yă ƀok, bơnê kơ bơngai sơnăm 'lŏ, pơ-'lơ̆ng đon bơnôh unh hnam păng kon pơlei pơla. Lơ̆m tơdrong chă hơlen băt khôi juăt kăp gĭt kơ kon pơlei kon kông tơring Tây Nguyên, tơmoi gơh chă hơlen băt dôm tơdrong mă ou.