‘Nâu jĭ tơdrong jang joh ayŏ - tơmang lăng kơ teh đak hăm tơdrong hơgăt sơng đei đơ̆ng 600.000 truh 800.000 ‘nu kon pơlei păng tơmoi chă tơmang lăng lơ̆m, ‘ngoăih teh đak. Festival Đak dơsĭ Khánh Hòa 2026 tơchĕng hơdrol pơgơ̆r vă jê̆ 30 tơdrong jang joh ayŏ kơdŏ soang, tơplŏng kơdâu, chă tơmang lăng ‘lơ̆ng hơiă.

Kŭm hăm dôm tơdrong jang tơm, festival oei đei lơ tơdrong jang joh ayŏ, chă năm lăng păng tĕch mơdro nhen hop akŏm apŭng plĕnh teh găh hơtŏk tơiung duk đak dơsĭ, lêh joh ayŏ kơdŏ soang - tơmam sa yến sào Khánh Hòa, pơlong hao thŏng nan Khánh Hòa 2026, lêh ao tai Việt Nam, lêh tơpăr klang tôch kơ tih, giĕng lêh tơmam đơ̆ng choh jang sa đei păng tơmam OCOP, jơnŭm kơchơ tĕch mơdro - tơmam sa kơphô̆ đak dơsĭ, kŭm hăm lơ tơdrong jang joh ayŏ kơdŏ soang trong kơphô̆ pơyua ăn chă tơmang lăng.