Tơdrong jang kơkuh chơt hơiă Lêh tih Phật đản Phật lịch 2570- Dương lịch sơnăm 2026 tơ̆ Lâm Đồng đei hơnăn “Pơcheh tơdrong jang lêh joh ayŏ Lui Phât Việt Nam ‘nao, trong vă jang tơmơ̆t hơdai ‘lơ̆ng đơ̆ng tơdrong lêh joăt joe păng dôm tơdrong jang joh ayŏ, kơdŏ soang, vei sơđơ̆ng tơdrong hơrih sa tơpôl pơyua ăn tơdrong hơrih sa tơpôl”.

Lơ̆m jơ năr đơ̆ng dang ei truh ‘năr 31/5, tơ̆ tơring kơdrơ̆m Đà Lạt, Gia Nghĩa păng Phan Thiết kơ dêh char Lâm Đồng, gô pơgơ̆r lơ tơdrong jang ‘lơ̆ng hơiă, hơnhăk tơdrong joh ayŏ hơiă Lui Phât. ‘Moi kiơ̆ dôm tơdrong jang tơgop roi tơƀôh um rup Lui Phât Việt Nam ling lang yak hơdai hăm hơdrĕch hơdrŭng, hơtŏk jơhngơ̆m đon mơ̆t hơdai, vei lăng teh đak sơđơ̆ng kon pơlei lơ̆m chăl ‘nao.