Pơma ah jơ pơm jang, Kơdră Hơnih jang Pơrô̆ pơrôp Trung ương Trịnh Văn Quyết pơtruh nơ̆r hăm rim bơngai tang măt akŏm pơm hơdah dôm tơdrong tơ̆ hơla ou: Mă mônh 'noh, băt hơdah păng akŏm dôm tơdrong gơh tơgop đơ̆ng joh ayŏ hăm hơtŏk tơ-iung.

Tơgop lơ̆m GDP, hơtŏk tơ-iung atŭm, kơjă hơtŏk kơtang, tơdrong jang, jên khei jang, jên mong, tĕch tơmam ăn teh đak đe, hơvơn asong jang; tơgop lơ tơdrong, păng athei pơlan să. Mă ƀar, sơkơ̆t hơdah dôm tơdrong jang gơh hơtŏk tơ-iung 'nao. Ưh đei jang lang xă, nĕ kơ “pơhơtŏ” tơchơ̆t tơlĕch jang ăn rim tơring jang. Gah joh ayŏ mă ayơ Việt Nam pran kơtang tơpă; tơdrong jang ayơ kăl tơchơ̆t hơtŏk jang; tơmam drăm dơnơm ayơ gơh jing tơmam drăm tơm kơ teh đak lơ̆m jăl jang mă ou.