‘Nâu jĭ jơnăr vă rim jơhnơr hrei ‘nâu ƀlŏk hơdơ̆r, tơƀôh jơhngâm đon ‘mêm bơnê kŏng tih tên đơ̆ng Bơngai tơblăh kơtang chô̆ che brông, bơngai chĕp kơ̆l pơgơ̆r khul linh tôch rơgei, đei lơ tơdrong tơgop tih tên lơ̆m jơhnơr arih kơ hơdrĕch hơdrung. Hăm ƀĕnh jơhngâm đon kŭp yom, đe ƀok Kơdră chĕp kơ̆l dêh char dang ei, đe kơdră chĕp kơ̆l dêh char adrol sơ̆, bơngai tang măt ăn dôm dêh char, pơlei tơm, khul linh, dôm anih jang kơpal, tơring tơrang, anih tĕch mơdro, dôm hnam trưng đăi hŏk, cao đẳng kŭm hăm lơ bơngai tang măt vang pơm lêh.

Lêh sŏh nhang, plang pơyơ̆r pơkao păng et soi năr lôch hơchăng ưh khan lăp tơdrong jang vă ƀlŏk hơdơ̆r hmă đĕch mă oei vang tơgop pơtho tơƀôh tơdrong juăt ‘mêm kơ teh đak, tưk tơiung jơhngâm đon hưch hanh kơ hơdrĕch hơdrung păng tơtă ăn rim jơhnơr hrei ‘nâu găh dôm tơdrong tơgop tih đơ̆ng Ƀok pơtao Quang Trung - Nguyễn Huệ hăm chăl arih kơ teh đak.