Lơ̆m dôm sơnăm kơ ou, gơnơm đei tơdrong tơgŭm đơ̆ng Đảng păng Teh đak lơ̆m dôm tơdrong jang mŭk drăm, tơpôl kơ kon pơlei Chăm lơ̆m dêh char đei lơ hơtŏk. Phŏ Bí thư juăt jang kơ Tĭnh uy Lâm Đồng Đặng Hồng Sỹ băt hơdah dôm tơdrong tơgop đơ̆ng kon pơlei Chăm kiơ̆ tơdrong khop Bàlamôn lơ̆m hơtŏk mŭk drăm, tơjur hin dơnuh, vang jang lơ̆m tơdrong pơlong jang 'mêm kơ teh đak păng tơ-iung pơjing pơlei pơla.

Atŭm hăm noh hơpơi 'meh khul pơgơ̆r tơdrong lui păng kon pơlei Chăm pơtoi hơtŏk sơnong jang, tơrĕk truh tơdrong hơrih kơ pơlei pơla; hơtŏk tơdrong tơguăt tơguăl tôm kon pơlei. Ƀơ̆t 'măng ou, khul kơpal kơ Tĭnh uy hlôi asong tơmam ăn khul pơgơ̆r tơdrong khop păng bơngai đei kon pơlei lui yom lơ̆m tơpôl kon pơlei Chăm Bàlamôn păng thơ thou hăm kon pơlei Chăm sơng Lêh Katê sơnăm 2026 chơt hơ-iă sơđơ̆ng sơnêp sơnoi.