Tơdrong pơtho teh hơgơ̆r ƀar, tôn chĭng pêng, chêng pơđăm jĭ tơdrong đei lơ̆m Tơdrong jang kơsô̆ 6 đơ̆ng Tơdrong jang tơm kơ teh đak atŏk tơiung mŭk drăm - tơpôl tơ̆ tơring kon kông păng groi kông găh "chĕp răk tơƀăk vei kơjă kăp gĭt đơ̆ng joh ayŏ kơdŏ xoang lơ̆ng rŏ kơ dôm hơdrech kon kông tơklep hăm atŏk tơiung chă tơmang lăng" yoa Anih Joh ayŏ kơdŏ xoang, Tơplŏng kơdâu păng chă Tơmang lăng Đăk Lăk pơgơ̆r.

Lơ̆m hlŏh 2 khei hŏk pơhrăm, đe oh hŏk tro păng đe druh dăm xăh Xuân Lãnh đei đe ngê̆ nhơ̆n pơtho tơƀôh ki thuơ̆t teh hơgơ̆r ƀar, tôn chĭng pêng, chêng pơđăm tôch hơlen; pơhrăm hơxoang kiơ̆ dôm ƀai tôn chĭng chêng. Đơ̆ng rŏng lăm hŏk âu, đe oh hơnơ̆ng đei pơtho pơhrăm dơ̆ng vă gơ̆h jing dôm bơngai chĕp vei kơjăp dôm kơjă kăp gĭt ‘lơ̆ng hơiă đơ̆ng joh ayŏ kơdŏ xoang kơ hơdrĕch kơdih.