Tơdrong jang vă pơih đei dôm tơdrong jang hơdoi kăp gĭt, brư̆ brư̆ pơjing mŭk drăm hlôi đei jing tơmam drăm tĕch răt păng kơsô̆ tơmoi hơdah đơ̆ng Lâm Đồng păng Ấn Độ. Lơ̆m tơdrong akŏm noh tơlĕch jang hơdoi hơtŏk tơmang pơhiơ̆ đơ̆ng dêh char Lâm Đồng hăm dôm hơnih jang kơ teh đak Ấn Độ, 15 hơnih jang, jơnŭm jang gah tơmang pơhiơ̆ truh đơ̆ng teh đak kơdrơ̆m măt kon pơlei hloh kơpal teh sơkơ̆t hơdah Việt Nam jĭ hơnih truh 'nao hơdah kĕ hơvơn lơ bơngai gơnơm đơ̆ng cham char plenh teh 'lơ̆ng, jên huach pah lăp.

Ƀok Võ Thành Huy, Phŏ Kơdră Hơnih jang Joh ayŏ, Tơplŏng kơdou păng Tơmang pơhiơ̆ dêh char Lâm Đồng ăn tơbăt, đơ̆ng tơdrong hlôh vao hơdah tơdrong kăl đơ̆ng tơmoi teh đak Ấn Độ, Lâm Đồng gô pơjing dôm tơmam drăm trŏ ƀlep, 'lơ̆ng păng kĕ tơgar vă hơvơn tơmoi truh tơmang.