Tơ̆ pơlei Hai, tơdrong vei răk tơƀăk mong joh ayŏ kon kông đei pơtơm đơ̆ng rim unh hnam. Hơdah nhen unh hnam ƀok Y Yak Byă, đe oei krao noh Aê Khuê. Dang ei unh hnam ƀok oei răk vei minh hơmrŭk chĭng chêng păng hloh kơ mơjĭt ge lơ kơluăi. Rim sơnăm, unh hnam pơgơ̆r dôm tơdrong et xa nhen et soi hơdrơ̆m đak, et chruih sŏk păng vang năm akŏm dôm tơdrong tôn pơdah chĭng chêng kơ pơlei pơla. Aê Khuê ăn tơbăt:  “Dang ei, nhôn oei vei răk păng pơtho ăn kôn mon kon sou băt gah tôn chĭng chêng păng et soi kơ yang lơ̆m unh hnam. Unh hnam inh hơnơ̆ng kơ yuk trong hơlou lơ̆m tơdrong mă ou. Dôm tơdrong et soi kơ bơngai Êđê 'noh lơ, et soi tơ̆ hnam dah mă et soi tơ̆ mir, soi kơ yang kông, yang đak... Dôm khôi juăt 'lơ̆ng adoi oei đei vei răk păng pơgơ̆r hơnơ̆ng đĕch”

Đơ̆ng tơdrong kơchăng kơ rim unh hnam tơ̆ pơlei Hai mă joh ayŏ juăt jue kơ kon pơlei Êđê đei pơdjoi ling lang. Lơ̆m kơplah lơ pơlei pơla ƀơm lơ tơnap tap lơ̆m tơdrong pơtoi dôm tơdrong joh ayŏ kră sơ̆ noh tơ̆ pơlei Hai, dôm tơdrong et ming tơnglang đak, et chruih sŏk, akŏm tôn chĭng chêng adoi oei đei pơgơ̆r hơnơ̆ng. Atŭm hăm noh, dôm tơdrong akŏm joh ayŏ kơ kon pơlei đei tơdrong tơgŭm yak hơdoi kiơ̆ đơ̆ng dôm tơchơ̆t đơ̆ng teh đak. Rim đảng viên, kră pơlei, bơngai đei kon pơlei lui yom hơnơ̆ng tơƀơ̆p, hơvơn kon pơlei vang akŏm tơdrong joh ayŏ pơlei pơla, atŭm hăm noh pơtho ăn kôn mon kon sou gah dôm tơdrong 'lơ̆ng lơ̆m khôi juăt kơ kon pơlei Êđê. Ƀok Y-Bơ̆i Byă, Ƀĭ thư Chi ƀô̆ pơlei  Hai, xah Čư̆ Mta, dêh char Đăk Lăk ăn tơbăt: “Inh atŭm hăm đe kră pơlei, bơngai đei kon pơlei lui yom hơnơ̆ng hơlêm đe hơ-ioh, atŭm hăm 'noh nhôn hơnơ̆ng răk vei dôm tơdrong 'lơ̆ng gah joh ayŏ kon pơlei kon kông lơ̆m tơdrong hơrih. Tôm tơmam drăm adoi 'măn soi plang ăn kơ yang, et soi ming tơnglang đak, et soi apinh đak 'mi păng et soi apinh gơh grăng 'lơ̆ng adoi đei pơgơ̆r nhen khôi kră sơ̆”

Ƀok Y Bơ̆r Byă ăn tơbăt dơ̆ng, gơnơm đei dôm tơchơ̆t tơgŭm đơ̆ng teh đak păng tơdrong tơgŭm jơhngơ̆m mă tơdrong hơrih kơ 132 unh hnam kon pơlei hăm hloh 520 măt bơngai tơ̆ pơlei Hai roi năr roi tơplih hơdah. Mŭk drăm roi hơtŏk tơ-iung, kon pơlei băt hơdah hloh gah tơdrong vei răk tơƀăk mong joh ayŏ kon kông kơdih:   “Dang ei Hơnih jang joh ayŏ asong ăn pơlei Hai minh hơmrŭk chĭng chêng păng hơbăn ao tanh kră sơ̆ kơ bơngai Êđê. Đon bơnôh kon pơlei tôch sô̆ chơt, atŭm hăm noh đe sơnăm mơlôh adoi pơtoi vei khôi juăt soi kơ yang păng tôn chĭng chêng nhen minh tơdrong joh ayŏ kăp gĭt kơ pơlei pơla. Kiơ̆ đơ̆ng dôm khôi soi kơ yang dah mă et soi ming tơnglang đak, kon pơlei ling lang vei răk păng pơlan să lơ̆m tơdrong hơrih"

Vei răk joh ayŏ juăt jue 'noh vei răk tơm a la chă păng pơdjoi dôm tơdrong kăp gĭt ăn kôn mon kon sou. Hăm tơdrong vang jang đơ̆ng rim jăl pơgơ̆r tơring păng kon pơlei, tơdrong joh ayŏ kơ kon pơlei Êđê tơ̆ pơlei Hai gô pơtoi đei vei răk, jing djoi tơlei tơguăt kon pơlei pơla, tơgop pơjing tơdrong hơrih joh ayŏ 'lơ̆ng roi năr roi kơjăp păng pơjing tơdrong hơtŏk tơ-iung kơjăp sơđơ̆ng kơ pơlei pơla.

Tơ̆ pơlei Hai, tơdrong vei răk tơƀăk mong joh ayŏ kon kông đei pơtơm đơ̆ng rim unh hnam. Hơdah nhen unh hnam ƀok Y Yak Byă, đe oei krao noh Aê Khuê. Dang ei unh hnam ƀok oei răk vei minh hơmrŭk chĭng chêng păng hloh kơ mơjĭt ge lơ kơluăi. Rim sơnăm, unh hnam pơgơ̆r dôm tơdrong et xa nhen et soi hơdrơ̆m đak, et chruih sŏk păng vang năm akŏm dôm tơdrong tôn pơdah chĭng chêng kơ pơlei pơla. Aê Khuê ăn tơbăt:  “Dang ei, nhôn oei vei răk păng pơtho ăn kôn mon kon sou băt gah tôn chĭng chêng păng et soi kơ yang lơ̆m unh hnam. Unh hnam inh hơnơ̆ng kơ yuk trong hơlou lơ̆m tơdrong mă ou. Dôm tơdrong et soi kơ bơngai Êđê 'noh lơ, et soi tơ̆ hnam dah mă et soi tơ̆ mir, soi kơ yang kông, yang đak... Dôm khôi juăt 'lơ̆ng adoi oei đei vei răk păng pơgơ̆r hơnơ̆ng đĕch”

Đơ̆ng tơdrong kơchăng kơ rim unh hnam tơ̆ pơlei Hai mă joh ayŏ juăt jue kơ kon pơlei Êđê đei pơdjoi ling lang. Lơ̆m kơplah lơ pơlei pơla ƀơm lơ tơnap tap lơ̆m tơdrong pơtoi dôm tơdrong joh ayŏ kră sơ̆ noh tơ̆ pơlei Hai, dôm tơdrong et ming tơnglang đak, et chruih sŏk, akŏm tôn chĭng chêng adoi oei đei pơgơ̆r hơnơ̆ng. Atŭm hăm noh, dôm tơdrong akŏm joh ayŏ kơ kon pơlei đei tơdrong tơgŭm yak hơdoi kiơ̆ đơ̆ng dôm tơchơ̆t đơ̆ng teh đak. Rim đảng viên, kră pơlei, bơngai đei kon pơlei lui yom hơnơ̆ng tơƀơ̆p, hơvơn kon pơlei vang akŏm tơdrong joh ayŏ pơlei pơla, atŭm hăm noh pơtho ăn kôn mon kon sou gah dôm tơdrong 'lơ̆ng lơ̆m khôi juăt kơ kon pơlei Êđê. Ƀok Y-Bơ̆i Byă, Ƀĭ thư Chi ƀô̆ pơlei  Hai, xah Čư̆ Mta, dêh char Đăk Lăk ăn tơbăt: “Inh atŭm hăm đe kră pơlei, bơngai đei kon pơlei lui yom hơnơ̆ng hơlêm đe hơ-ioh, atŭm hăm 'noh nhôn hơnơ̆ng răk vei dôm tơdrong 'lơ̆ng gah joh ayŏ kon pơlei kon kông lơ̆m tơdrong hơrih. Tôm tơmam drăm adoi 'măn soi plang ăn kơ yang, et soi ming tơnglang đak, et soi apinh đak 'mi păng et soi apinh gơh grăng 'lơ̆ng adoi đei pơgơ̆r nhen khôi kră sơ̆”

Ƀok Y Bơ̆i Byă ăn tơbăt dơ̆ng, gơnơm đei dôm tơchơ̆t tơgŭm đơ̆ng teh đak păng tơdrong tơgŭm jơhngơ̆m mă tơdrong hơrih kơ 132 unh hnam kon pơlei hăm hloh 520 măt bơngai tơ̆ pơlei Hai roi năr roi tơplih hơdah. Mŭk drăm roi hơtŏk tơ-iung, kon pơlei băt hơdah hloh gah tơdrong vei răk tơƀăk mong joh ayŏ kon kông kơdih:  “Dang ei Hơnih jang joh ayŏ asong ăn pơlei Hai minh hơmrŭk chĭng chêng păng hơbăn ao tanh kră sơ̆ kơ bơngai Êđê. Đon bơnôh kon pơlei tôch sô̆ chơt, atŭm hăm noh đe sơnăm mơlôh adoi pơtoi vei khôi juăt soi kơ yang păng tôn chĭng chêng nhen minh tơdrong joh ayŏ kăp gĭt kơ pơlei pơla. Kiơ̆ đơ̆ng dôm khôi soi kơ yang dah mă et soi ming tơnglang đak, kon pơlei ling lang vei răk păng pơlan să lơ̆m tơdrong hơrih"

Vei răk joh ayŏ juăt jue 'noh vei răk tơm a la chă păng pơdjoi dôm tơdrong kăp gĭt ăn kôn mon kon sou. Hăm tơdrong vang jang đơ̆ng rim jăl pơgơ̆r tơring păng kon pơlei, tơdrong joh ayŏ kơ kon pơlei Êđê tơ̆ pơlei Hai gô pơtoi đei vei răk, jing djoi tơlei tơguăt kon pơlei pơla, tơgop pơjing tơdrong hơrih joh ayŏ 'lơ̆ng roi năr roi kơjăp păng pơjing tơdrong hơtŏk tơ-iung kơjăp sơđơ̆ng kơ pơlei pơla.