Tơdrong jang vă pơtruh dơ̆ng vitamin D3K2 (Vitamin D3 păng vitamin K2) ‘lơ̆ng, tơgŭm trep iŏk canxi, vang tơgop ăn tơdrong tih vơ̆ đơ̆ng kơting, hơnĕnh kơjăp ‘lơ̆ng ăn hơioh. Tơ̆ âu, Anih pơgơ̆r hlôi pơjao 200 gĕl Vitamin D3K2 ăn 100 ‘nu hơioh đei tơdrong arih xa pơmat tat tơ̆ phường Ea Kao. Iŏk đei tơmam hơpăh, mŏ H’Don Buôn Krông, tơ̆ plei Bông, phường Ea Kao tơroi: “Inh ưh kơ đei jên vă răt pơgang ‘lơ̆ng ăn kon huch, inh tôch hơiă mưh iŏk đei D3K2 âu, inh bơnê lơ dêh.”

Đei băt lơ̆m ‘măng mă âu tơ̆ Đắk Lắk, tơdrong jang ‘nâu đei pơgơ̆r tơ̆ dôm phường Tân An, Tân Lập, xăh Krông Pach, Tân Tiến, Ea Phê, Ea Knuếc, pơjao đĭ đăng 1.200 gĕl vitamin D3K2 ăn 600 ‘nu hơioh pơmat tat, akŏm đĭ đăng đei kơjă hlŏh 460 triu hlak jên. Lơ̆m teh đak, tơdrong jang ‘nâu vă ƀơk 1 triu kơliêu vitamin D3K2 ăn 5.500 ‘nu hơioh tơ̆ 16 dêh char, plt./.