Tơ̆ lêh tơlĕch jang, Kơdră Anih tơm vei lăng Kŏng an - Đại tướng Lương Tam Quang athei Kơdră chĕp kơ̆l Kŏng an rim tơring lăng kiơ̆ tơdrong hơgăt pơjei băl lơ̆m Trong tơlĕch jang đơ̆ng Anih tơm păng 21 tơdrong hơdăh “Ki luơ̆t hloh - Mĭnh jơhngơ̆m hloh - Jê̆ kon pơlei hloh” vă tơmơ̆t dơ̆ng tơdrong jang, trong tơlĕch bơ̆jang; rim khei lơ̆m hŏk hôp chi ƀô̆ rim kơdră, bơngai pơgơ̆r, kang ƀô̆, khŭl lĭnh, rim anih jang tơ̆k pơchrang, hơlen lăng, tơƀôh hơdăh dôm tơmam, pơtôch hơdăh tơƀôh “Ki luơ̆t hloh - mĭnh jơhngơ̆m hloh - Jê̆ kon pơlei hloh” hlôi iŏk đei.

Kơdră tơm Lương Tam Quang lui ngeh akhan, rim kơdră chĕp kơ̆l, bơngai pơgơ̆r, rim kang ƀô̆ khŭl lĭnh lơ̆m Kŏng an kon pơlei gô hơdrin iung jang rim năr, hơnhăk tơdrong jang pơjei băl Pêng hloh păr ang pran kơtang, tơpă jing tơdrong pơtrŭt bơ̆jang jơnei Tơdrong tơchơ̆t Hop akŏm Đảng bộ Kŏng an Trung ương ‘măng mă VIII, hơnhăk tơdrong jang vei lăng sơđơ̆ng tơgop tơgăl lơ̆m chăl ‘nao kơ teh đak hăm tơdrong chĕp kơ̆l đơ̆ng Đảng.