Đơ̆ng 1 anih jang iĕ hăm anih jang tơmam drăm oei kơƀăh, truh dang ei Anih jang hlôi jing anih jang pơgang tang găn hơdrol tih hloh kơ tơring. Lơ̆m 5 jĭt sơnăm âu ki, Anih jang hlôi tơgop gĭt kăl lơ̆m rim tơdrong jang pơgang tih nhen tang găn kĕ jĭ jo jăn, tang găn kĕ jĭ gơ̆ kâu nge ‘nao rơneh, tang găn dôm tơdrong jĭ krê hơmơt nhen jĭ chroh, jĭ grŏnh, jĭ pơlŏ lĕch đe, jĭ jơ̆ng ti ƀơ̆r.

Pơma tơ̆ jơ pơma lêh, Phŏ Kơdră Anih tơm vei lăng găh jang pơgang Nguyễn Thị Liên Hương chih iŏk păng pôk pơ ư dôm tơdrong hơdrin, tơgop đơ̆ng đĭ đăng bơngai jang lơ̆m Anih jang hloh 50 sơnăm pơjing păng jang đei. Hơdai hăm athei, Anih jang kăl kơ lăng kăl tơdrong jang tang găn jĭ, hơtŏk loi dơ̆ng roi tơbăt, pơtho dôm trong jang vei lăng kơdih jơhngơ̆m pran lơ̆m kon pơlei, tang găn jĭ ưh kơ đei tơpoh, hơmet ăn tôm jên jang, tơmam vă tang găn jĭ jăn păng dôm tơdrong kăl jang pơgang tơpôl hăt hot.