VOV4.Bahnar - Rơnĕh ưh tôm khei jĭ 1 lơ̆m dôm tơdrong krê hơmơt, ƀât lăp ƀơm ưh ‘lơ̆ng truh jơhngâm pran, tơdrong erih kơ mĕ hăm kon nge hloi. Kiơ̆ đe y, ƀak si tơ̆ khoa rơnĕh, rơnĕh kon ưh tôm khei roi lơ lơ̆m tơpôl hrei ‘nâu. Yoa thoi noh, đe bơngai mĕ athei chă hơlen năng yoa kiơ păng hơmet hiă trong tang găn rơnĕh kon ưh tôm khei vă gơ̆h rơnĕh kon sơđơ̆ng ‘lơ̆ng.

VOV4.Bahnar - Hơnơ̆ng ƀât Têt, mă ưh ‘nŏh pơyan pơdơh he Hnam pơgang Đa khoa tơring Tây Nguyên đa iŏk hơmet ăn lơ bơngai jĭ rơka tơ̆ muh măt, ti, klak yoa pơm ngôi kơmlăi. Dôm rơka jĭ đơ̆ng kơmlăi ưh lăp jĭ hơkâu jăn đĕch mă oei pơm tơlĕch jơhngâm đon hli tăr văr, ƀơm ưh ‘lơ̆ng truh tơdrong arih xa bơngai răm păng unh hnam đe sư.

VOV4.Bahnar - Đơ̆ng blŭng khei 12, Anih tơm vei lăng jang pơgang jang hơdai hăm Anih vei lăng kon pơlei pơlei tơm Hà Nội pơgơ̆r Lêh tơlĕch jang Khei bơ̆jang kơ teh đak găh Kơsô̆ kon pơlei păng tơbăt Năr kơsô̆ kon pơlei Việt Nam (26/12) sơnăm 2024 hăm hơnăn “Hơtŏk ‘lơ̆ng kơsô̆ kon pơlei vă teh đak hơnŭk hơnoa, ŭnh hnam hiôk chơt”. Vă tơdrong jang kơsô̆ kon pơlei hơtŏk đei yua, anih jang pơgang kăl kơ hơdrin hơmet pơ ‘lơ̆ng dôm long nol tŏk bŏk tơlĕch lăn hrei ‘nâu.

VOV4.Bahnar – Minh 'nu hơ-ioh 14 sơnăm tơ̆ apŭng Ea H’leo, Đăk Lăk, 'nao đei dŏng hơmet tơ̆ Hnam pơgang Tơm tơring Tây Nguyên đơ̆ng rŏng kơmlăi đôh.

VOV4.Bahnar - Tơroi tơbăt Dăr hơlen tơdrong ưh kơ hiôk lơ̆m jơhngơ̆m đon hơioh păh iung Việt Nam đơ̆ng Anih jang Tơpôl hŏk ăn ƀôh; Tơdrong ưh kơ hiôk lơ̆m jơhngơ̆m đon tơ̆ hơioh păh iung đei ƀôh roi tŏk, lơ̆m noh 1/5 hơioh păh iung (20%) đei tơdrong ưh kơ ‘lơ̆ng găh jơhngơ̆m đon păng lăp 8,4% hơioh păh iung hlôi đei băt dôm tơdrong pơvih pơvăn tơgŭm dăh mă roi tơƀôh ăn dôm tơdrong găh đon tơchĕng păng tơdrong pơm. Kơhret lơ̆m hŏk pơhrăm păng tơdrong vei lăng dăh mă ưh kơ đei tơdrong bơngơ̆t truh đơ̆ng mĕ ƀă kŭm pơm ăn hơioh tơchĕng, ưh kơ hiôk, ƀôh đei pơsĕl păng ngôi hơdrô̆. Kăl kơ pơm kiơ vă bơngơ̆t lơ hloh truh tơdrong ưh kơ hiôk lơ̆m jơhngơ̆m đon tơ̆ hơioh păh iung?

VOV4.Bahnar - HIV ‘nŏh jĭ tơdrong jĭ tơpŏh tôch hơmơt ƀơm kơnê̆ truh jơhngâm pran păng tơdrong arih kơ bơngai jĭ. Mă lei, dôm sơnăm tơjê̆ âu, HIV ưh pă đei năng jĭ tơdrong jĭ hli hlơt nhen lơ bơngai tơchĕng bơih yoa hlôi đei pơgang tang găn virus HIV (ARV) tơgŭm tang găn virus HIV/AIDS ‘lơ̆ng ƀiơ̆. Bơngai jĭ HIV gơnơm thoi noh mă gơ̆h đei tơdrong arih xa nhen thoi bơngai hmă. Vă gơ̆h đei thoi noh, tơdrong tôch gĭt kăl ‘nŏh jĭ dôm bơngai hơmơt tơpŏh jĭ athei kơchăng năm set hơlen jĭ HIV mă hrôih.

VOV4.Bahnar - Hơkar dreng ƀât ‘nao rơnĕh ‘nŏh jĭ tơdrong jĭ hơnơ̆ng kơ đei hăm đe nge ‘nao rơneh. Đei dang 60% nge rơnĕh tôm khei păng 80% nge rơnĕh ưh tôm khei. Hơkar dreng đei 2 kơloăi (hơkar dreng yoa tơplih lơ̆m hơkâu jăn) păng mưh ăl ‘nŏh (hơkar dreng đei tơdrong jĭ). Hăm tơdrong jĭ ăl, tơdăh ưh băt hrôih păng hơmet tơtom, jĭ đa pơm tơlĕch lơ tơdrong krê, ƀât lăp pơm ăn nge lôch mă ưh ‘nŏh ƀơm kơnê̆ truh tơ̆ ‘ngok truh đĭ jơhnơr arih. Yoa thoi noh, tơdrong năng băt jĭ păng hơmet tơtom tôch gĭt kăl vă vei lăng jơhngâm pran ăn nge.

VOV4.Bahnar - Hơyô đak sĭk, ‘nŏh jĭ tơdrong jĭ đei đunh lơ̆m hơkâu jăn, kơsô̆ bơngai đei jĭ, jĭ ăl păng lôch lơ. Mă đơ̆ng tôch hơmơt ră mă lei jĭ đei dar deh, kơna lơ bơngai jĭ ưh kơbăt, lăp băt mưh jĭ đĭ dêh bơih đĕch, hăm lơ tơdrong krê hơmơt. Yoa thoi noh, băt hrôih păng hơmet jĭ tơtom ‘nŏh jĭ tơdrong tôch kăl vă vei lăng jơhngâm pran.

VOV4.Bahnar - Tơlĕch jang đơ̆ng sơnăm 2023, Tơdrong jang “Pơm tơdrong hiôk chơt” tơ̆ Hơnih IVFMD Buôn Ma Thuột, găh Hnam pơgang Đại học Y Dược Buôn Ma Thuột hlôi tơgŭm klo kăn ưh kơ đei kon đei tơdrong hơrih sa mơmat tat tơ̆ Tây Nguyên pơm kiơ̆ tơdrong hơpơi ‘meh găh mĭnh ŭnh hnam hiôk chơt ‘lơ̆ng rŏ. Tơgop pơm dơ̆ng tơdrong ‘lơ̆ng păng đon lui lơ̆m tơdrong chă kon đơ̆ng dôm klo kăn ưh kơ đei kon.

VOV4.Bahnar - Kiơ̆ tơroi tơbăt đơ̆ng Hơnih vei lăng tơdrong jĭ jăn dêh char Đắk Lắk, lơ̆m dêh char ‘nao đei 1 ‘nu bơngai lôch jâu yua đơ̆ng jĭ vơnh.