VOV4.Bahnar - Hrei ‘nâu, jĭ jơ̆ng ti ƀơ̆r oei tơpŏh roi dêh tơ̆ 1,2 tơring lơ̆m dêh char Đắk Lắk. ‘Nâu jĭ tơdrong jĭ tơpŏh hơnơ̆ng đa đei tơ̆ đe hơioh, mă lơ ‘nŏh đe đa hơmet tơ̆ hnam, mă lei tơdăh ưh đei vei lăng trŏ trong, ƀât lăp jĭ ‘nâu pơm tơlĕch lơ tơdrong krê nhen jĭ pơ ‘ngeh lơ̆m ‘ngok, jĭ lơ̆m plei nuih, pơ ‘ngeh tơsŏh, ƀât lăp pơm ăn bơngai jĭ lôch hloi. Yoa thoi noh, đe mĕ ƀă athei kơchăng hăm dôm tơdrong krê đơ̆ng jĭ vă jăh chơ ba hơiŏh năm tơ̆ hnam pơgang, khăm hơmet tơtom, veh ver tơdrong răm kơnê̆ tê̆.

VOV4.Bahnar -  Pơ̆k rơka gô pơm ăn hiong răm kơtang, ƀơm ưh kơ ‘lơ̆ng truh jơhngơ̆m pran, hơkâu jăn păng tơdrong hơrih sa kơ bơngai đei jĭ, ƀơ̆t lăp pơm ăn hiong găh mŭk drăm păng tơpôl. Anih jang pơgang Đắk Lắk ‘nao pơgơ̆r lăm pơhrăm ăn kơ vă jê̆ 50 kang ƀô̆ hơtŏk ‘lơ̆ng tơdrong gơh hơmet blŭng a lơ̆m tang găn pơ̆k rơka.

VOV4.Bahnar - Dôm năr âu ki, tơ̆ dôm hnam pơgang hơmet hơioh jĭ tơ̆ pơlei tơm Hồ Chí Minh chih iŏk lơ bơngai jĭ pơlŏ lĕch đe Dengue ăl hơnơ̆ng. Hơioh ƀĭch tơ̆ hnam pơgang ƀơ̆t blơ̆, phan krăl, lĕch pham trong klak, hơmơt kơ lôch tơdăh ưh kơ đei hơmet tơtom.

VOV4.Bahnar - Jơ sŏng xa tơ̆ hnam hŏk ưh lăp 1 păh lơ̆m rim tơdrong jang đơ̆ng hnam trưng đĕch mă oei jing tơdrong tôch gĭt kăl ƀơm truh jơhngâm pran, đon rơgei, hơkâu jăn đe oh hŏk tro dơ̆ng. Kơlih thoi noh, hơdai hăm tơdrong pơtho hŏk, tơdrong pơm ‘lơ̆ng ăn jơ sŏng xa kơ đe kon mon jĭ tơdrong tôch gĭt kăl, mă loi hăm dôm hnam trưng hŏk sŏng xa kơtă tơ̆ lăm hŏk. Đơ̆ng rŏng âu nhôn chih tơroi truh tơdrong pơgơ̆r jơ sŏng xa ăn hŏk tro tơ̆ hnam trưng mầm non phường Thành Nhất, plt Buôn Ma Thuột, dêh char Đắk Lắk.

VOV4.Bahnar - ‘Năr 3/6, Hnam pơgang Đa khoa tơring Tây Nguyên păng Công ty TNHH Gene Solutions Lab kĭ pơkăp hla ar tơƀlŏk tơbăt tơlĕch tơdrong jang “Tơpôl vang set hơlen NIPT ăn drŏ kăn hơnăp, hơtŏk tơdrong ‘lơ̆ng ăn kơsô̆ kon pơlei Việt”.

VOV4.Bahnar - Tơ̆ hơnăp krê hơmơt kơ đei ƀôh jĭ COVID 19, anih jang pơgang dôm dêh char Tây Nguyên tŏk bŏk tơlĕch jang lơ trong jang vă vei lăng jĭ COVID-19, lơ̆m tơdrong ‘meh vă năm vih vơ̆t, tơmang lăng tŏk lơ lơ̆m pơyan he sơnăm ‘nâu.

VOV4.Bahnar - Tŏ ‘mi kial tơplih ưh ê jĭ tơdrong tôch ‘lơ̆ng vă lơ kơloăi vi rút, pơrang jĭ chek lar, mă loi tơ̆ tơmam xa. Hăm hơioh, ƀât klak tam mă jăng, ‘nŏh tôch ƀônh đei jĭ klak chroh mưh xa ƀơm tơmam, đak nhă ưh đei rơgŏh ‘lơ̆ng, đei pơrang jĭ. Jĭ klak chroh năng nhen ưh kơ krê mă lei tơdăh ưh đei khăm hơmet tơtom ‘nŏh sư pơm tơlĕch lơ tơdrong krê hơmơt hăm jơhngâm pran păng tơdrong arih kơ đe hơioh ‘năi. Yoa thoi noh, mĕ ƀă athei băt hrôih mưh đe hơiŏh jĭ klak chroh, vei lăng hơmet mă trŏ vă jĭ huei kơjing jĭ ăl.

VOV4.Bahnar - Vơnh jĭ 1 tơdrong jĭ tôch krê hơmơt, pơm tơlĕch lơ tơdrong răm hăm jơhngâm pran bơngai jĭ. ‘Nâu jĭ tơdrong jĭ athei hơmet hơnơ̆ng truh đĭ jơhnơr arih mă lei tơdrong tôch pơngơ̆t hrei ‘nâu ‘nŏh lơ bơngai jĭ ưh đei pơm kiơ̆ trong hơmet, pơm ăn jĭ ưh đei klăih ‘lơ̆ng, ƀât lăp pơm ăn jĭ đei hơlơ̆k hơle roi dêh hlŏh dơ̆ng.

VOV4.Bahnar - Ƀao hiêm pơgang jĭ kơloăi ƀao hiêm vă vei lăng năng tông jơhngâm pran yoa teh đak pơgơ̆r bơ̆ jang, ưh kơ sĭ vă chă lơi yoa kiơ ôh. ‘Nâu jĭ tơdrong tôch gĭt kăl lơ̆m tơdrong vei sơđơ̆ng tơdrong arih xa tơpôl. ‘Năr 27/11/2024, Luơ̆t hơmet ming, chih tơmât dơ̆ng 1,2 tơdrong đơ̆ng Luơ̆t Ƀao hiêm pơgang sơnăm 2024 đei Quốc hội drơ̆ng nơ̆r păng đei yoa iŏk đơ̆ng ‘năr 01/7/2025 hlôi pơjing hơyak năm tih lơ̆m tơdrong hơmet pơ ‘lơ̆ng anih vei lăng jơhngâm pran ăn đĭ đăng kon pơlei. Luơ̆t đei lơ tơdrong ‘nao tôch ‘lơ̆ng, năm truh tơdrong pơih xă păng hơmet pơ ‘lơ̆ng tơdrong đei yoa ăn bơngai răt ƀao hiêm pơgang.

VOV4.Bahnar - Tơdrong jĭ grŏnh truh dang ei oei tam mă tơjur mă đơ̆ng Hơnih tơm vei lăng jang pơgang hlôi ăn ƀet pơgang bơ̆ng jĭ grŏnh ăn nge 6 khei ƀet jrŭm mă blŭng, mă lei tam mă truh khei 6 rim sơnăm jing khei ‘năr tơpoh jĭ jơ̆ng ti ƀơ̆r păng pơlŏ lĕch đê tơpoh kơtang, mă lei măt bơngai tơpoh jĭ găh tơdrong ou hlôi tŏk lơ mă đơ̆ng tam mă truh pơyan ‘mi ră. Tơ̆ hơnăp tơdrong ou, pơlei tơm HCM iung jang tang găn hơlou hăm lơ trong vă veh ver đei lơ tơdrong jĭ hơbŭh hrơ̆p mĭnh ‘măng pơm ưh sơđơ̆ng ăn tơdrong jang pơgang.