Hơnih vei lăng kon pơlei dêh char Đắk Lắk hlôi tơlĕch 400 ti hlak jên đơ̆ng kon jên thuê̆ lơ pơting hăm trong tơlĕch jang păng kon jên bơ̆ jang uơ oei tơ̆ Hơnih mong jên bơ̆jang dêh char sơnăm 2025 vă klăh asong ăn rim tơring tơlĕch jang kiơ̆ khăm đĕch jơhngơ̆m jăn ăn kon pơlei sơnăm 2026. Hơnih vei lăng kon pơlei dêh char jei pơjao ăn Hơnih bơ̆ jang jên hu dêh char iung jang hơdoi hăm Hơnih vei lăng jang pơgang dêh char Đắk Lắk jang kiơ̆ tơlĕch kon jên jang ou ăn rim tơring, phương. Hơnih vei lăng jang pơgang Đắk Lắk tơbăt, dang ei kon jên hlôi proh hơmet đang, hơnih hlôi chih pơtruh pơtho tơbăt ăn hơnih vei lăng kon pơlei rim tơring, phương pơjing mĭnh tơring mĭnh Hơnih pơrô̆ jang khăm jơhngơm jăn ăn kon pơlei đei bơngai tang măt ăn khul ƀok thây pơgang tơring, Khul bơngai ‘lŏ kră, Khul Bơngai jo jăn, minh ƀar hơnih bơ̆ jang, khul jang tơring.